बि पि एफनि गेदेर खहाः सानै बि पि एफनि एम सि एल एफोरा इउ पि पि एलआव गोरोबफैबाय

कक्राझार, 4 मेः थांनाय आसाम बिधान सभा बिसायख’थिनि फिथाय फोसावखांनायनि उनावनो बि टि आरनि राजखान्थि फोथाराव गोबां सोलायनायखौ नुनो मोन्दों। महाजतआव थानाय कंग्रेस, बि पि एफ, ए आइ इउ दि एफ आरो राइजर दोलोखौ बि जे पि, एजिपि आरो इउ पि पि एल मित्रजतआ गाज्रियै फेजेनखांनायनि उनावनो आसाम दिसपुराव खुंथाय गोहोखौ मित्रजत सरखकारा आवग्रिनो हाबाय। बिनि उनावनो बि टि आरनि राजखान्थि फोथारआव गोबां सोलाय-सोल' जानायखौ नुनो मोननाय जादों।

महाजत सरकारआ आसामाव एसेल' मासि आवग्रिनो हानायोय़ बेराफार्से बि टि आरावबो कंग्रेसनि लोगो बि पि एफ दोलोआ बि टि आरनि गं 12 मासिनि गेजेराव‌ मोन 4 मासिल' आवग्रिनो हायो आरो खुंथायनि गोहोखौ खोमाना लानो गोनां जायो। बे समावनो बि टि आरनि बेरेखा हानजायाव थानाय बि पि एफनि साथाम बिजाथि फारियै बि. सावरायगोरा (Amar Basumatary from 13 No Chirang Duwar), धनन्जय बसुमतारि(Dananjay Basumatary, From 18 No Manash Serfang) बिथांमोना बि टि आरनि खुंथाय गोहोआव थानाय इउ पि पि एल दोलोआव आखाय गोरोब फैयो।