• Home
  • /
  • BTR
  • /
  • बिटिसि बिसायख’थिआ जोबनायनि उनावनो हाग्रामा महिलारिआ बिजेपिआव हाबगोनः सान्तियास कुजुर

November 12, 2020

बिटिसि बिसायख’थिआ जोबनायनि उनावनो हाग्रामा महिलारिआ बिजेपिआव हाबगोनः सान्तियास कुजुर

उदालगुरि, 12 नभेम्बर: फैगौ बिटिसि बिसायख'थिया खुंफुंजानायनि उनावनो हाग्रामा महिलारिखौ लाफानानै बिपिएफनि 80 जौखोन्दो दैदेनगिरि आरो मावथिफोरा बिजेपि हान्जायाव हाबगोन। बे बाथ्राखौ बुंदों, राइज्यो सभानि बारग' एमपि सान्तियुज कुजुरआ 11 नभेम्बरखालि टंलायाव थानाय खालिंदुवार मन्डल बिजेपिनि मावखुलिआव खुंनाय उदालगुरि जिल्ला बिजेपिनि मोनसे खौरांगिरि मेलआव सान्तियुज कुजुरआ बुङोदि, जाख्ल'नायजों लोहाबबोनाय बिपिएफ हान्जानि समआ बिटिसिआव थुंगेबाय।

Udalguri District BJP Press Meet 1

बिटिसिआव बिपिएफआ 15 बोसोर खुंथायनि गोहोआव थाबोनानै बे ओन्सोलनि सरासन्स्रा राइजो-राजाफोरनि थाखाय जौगाखांहोनायनि खामानियाव बाहायनांगौ धोनफोरखौ गावसिनि मुलाम्फानि थाखायल' दोनबोदों। गोबाव बोसोर सम बिटिसि सालायबोसेयावबो बिपिएफ हान्जाया राइजो-राजाफोरनि थाखाय मोनबो जौगाथाय खामानि मावनो हाबोयाखिसै। बिथांमोनहा गाव-गावनि थाखाय धोन आर्जिनायावल' मुखुबै नांथाबबोदों। बेनिखायनो बे खेबआव बिपिएफ हान्जाया राइजो-राजाफोरजों नासयजाबाय आरो बिसोरनि जेन्नायाबो फैगौ बिसायख'थियाव रोखा जाबाय। कुजुरआ बुबावोदि, फैगौ 15 डिसेम्बरनि सिगांनो बिजेपिआ बिटिसिआव सरकार दागोन । जिल्ला बिजेपिनि आफादगिरि कार्टिक बर'आ जागायनाय बे खौरांगिरि मेलआव राइज्योयारि बिजेपि माव' आफादनि सोद्रोमा प्रनब नारायन देबआबो बाहागो लानानै बुङोदि, बिटिसिआव बिपिएफनि दिनआ थुंगेबाय आरो बिपिएफनि गासै दैदेनगिरि आरो मावथिफोरा बिसायख'थि जोबनायनि उनावनो फारि-फारियै बिजेपिआव हाबफैनायनि लामा लासिगोन होन्नानै बुङो।

Share with your friends!

Related Posts

न’खर न’खर हादरारि फिरफिला बिरहोनाय थांखिजों 24BN SSB नि गोलाव हान्जा सुरनाय ।

न’खर न’खर हादरारि फिरफिला बिरहोनाय थांखिजों 24BN SSB नि गोलाव हान्जा सुरनाय ।

बाक्सा जिल्ला एबसुनि बोसोरसालिया जथुम्मा खुंफुंनो रायदाव आफादखौ दाफुंबाय

बाक्सा जिल्ला एबसुनि बोसोरसालिया जथुम्मा खुंफुंनो रायदाव आफादखौ दाफुंबाय

आसामाव जेब्लासिम BJP सोरखार थागोन अब्लासिम फिसा फिसा हारि हारिसाफोरनि मोन्थायफोरा जोबस्रांलांगोन : कास्तम बसुमतारि

आसामाव जेब्लासिम BJP सोरखार थागोन अब्लासिम फिसा फिसा हारि हारिसाफोरनि मोन्थायफोरा जोबस्रांलांगोन : कास्तम बसुमतारि

संका बानदो, जामफैनि दैखौ बानदो थेनानै दै दिखांनो हायैजों जिंगा सिनांदों माखासे आबादारिफोरा

संका बानदो, जामफैनि दैखौ बानदो थेनानै दै दिखांनो हायैजों जिंगा सिनांदों माखासे आबादारिफोरा

Published by

Bodosa


Bodosa is a Daily Newspaper, printed in Bodo language.

Leave Your Comment Here