• Home
  • /
  • BTR
  • /
  • बिटिएडियाव माइन’रिटि सुबुंफोरनि सायाव उतखार खालामनाय आरो नासयनायनि हेथायै आमसुनि 2 घन्टा धर्ना

August 28, 2020

बिटिएडियाव माइन’रिटि सुबुंफोरनि सायाव उतखार खालामनाय आरो नासयनायनि हेथायै आमसुनि 2 घन्टा धर्ना

कक्राझार, 27 आगस्ट: दुलाराय आसाम माइन'रिटि फरायसा आफाद एबा आमसुआ बिटिएडि ओन्सोलाव माइन'रिटि सुबुंफोरनि सायाव उतखार खालामनाय आरो बुथारनाय बायदि जाथाय जाफ्लेबाय थानायखौ लानानै खुद्रिखांदों। फरायसा आफादया बिटिएडि ओन्सोलाव माइन'रिटि सुबुंफोरनि रैखाथि आरो थामोन्था होनायाव फेलें जानायनि थाखाय आसामनि गिबि मन्थ्रि सर्बानन्द सनवालखौ गोख्रों रावजों सोंखारिदों आरो माइन'रिटि सुबुंफोरनि सायाव नासयनाय, गादबनाय, उतखार खालामनाय आरो बुथारनाय बायदि जाथाय सोमजिनायखौ गैया खालामनो सरकारनिसिम गोख्रोङै दाबि देखाङो।

कक्राझार जिल्ला दालाय आमसुआ बे दाबिखौनो लानानै खुगायाव गोसोम जि खाथेनानै दिनै फकिराग्रामआव 2 घन्टा धर्ना होयो। मख'नाय जायोदि, बिटिसियाव सोलिफु राइज्यो बेंगिरि खुंथायनि आमोलाव थांनाय 5 दाननि गेजेराव सासे लाइमोन हिन्जावसाखौ लाफानानै खमैबो सा 5 माइन'रिटि सुबुंफोरखौ बुथारनाय जाथाया महर मोन्दों। बे आयदाखौ लानानैनो आमसुनि दैदेनगिरि आरो सोद्रोमाफोरनि देहायाव अर नांदों।

ALL ASSAM MINORITY STUDENTS UNION
 जायनि थाखाय बेफोर जाथाया थामहिनबा माइन'रिटिफोरनि सायाव बे रोखोम जाथायफोरा फैगौ समफोराव जाहाथे सोमजिबावनो हाया बेनि थाखाय गोख्रों राहा लानो खुंथायनिसिम दाबि देखाङो। दिनै 2 घन्टा सम धर्ना होनायनि उनाव बिटिएडि हालामआव माइन'रिटि सुबुंफोरनि जिउ रैखाथि आरो थामोन्थानि दाबि खालामनानै आमसुआ कक्राझार जिल्ला बेंगिरिनि जोहै राइज्योनि गिबि मन्थ्रि सर्बानन्द सनवालनिसिम गांसे गोसोखां बिलाइ दैथायहरो। फरायसा आफादया बिटिएडि हालामआव आयेन बेरेखायै हाथियार बाहायनायनि सायावबो गोख्रों सिग्रोमनाय राहा लानो खुंथायनिसिम दाबि दैखांदों।
Share with your friends!

Related Posts

न’खर न’खर हादरारि फिरफिला बिरहोनाय थांखिजों 24BN SSB नि गोलाव हान्जा सुरनाय ।

न’खर न’खर हादरारि फिरफिला बिरहोनाय थांखिजों 24BN SSB नि गोलाव हान्जा सुरनाय ।

बाक्सा जिल्ला एबसुनि बोसोरसालिया जथुम्मा खुंफुंनो रायदाव आफादखौ दाफुंबाय

बाक्सा जिल्ला एबसुनि बोसोरसालिया जथुम्मा खुंफुंनो रायदाव आफादखौ दाफुंबाय

आसामाव जेब्लासिम BJP सोरखार थागोन अब्लासिम फिसा फिसा हारि हारिसाफोरनि मोन्थायफोरा जोबस्रांलांगोन : कास्तम बसुमतारि

आसामाव जेब्लासिम BJP सोरखार थागोन अब्लासिम फिसा फिसा हारि हारिसाफोरनि मोन्थायफोरा जोबस्रांलांगोन : कास्तम बसुमतारि

संका बानदो, जामफैनि दैखौ बानदो थेनानै दै दिखांनो हायैजों जिंगा सिनांदों माखासे आबादारिफोरा

संका बानदो, जामफैनि दैखौ बानदो थेनानै दै दिखांनो हायैजों जिंगा सिनांदों माखासे आबादारिफोरा

Published by

Bodosa


Bodosa is a Daily Newspaper, printed in Bodo language.

Leave Your Comment Here