एन्टिबायटिक तत्वजों आबुं निमखौ गोदो-गोदायनिफ्रायनो मुलिनि गुन गोनां महरै बाहायबोदों । बेनि स्वादा जोबोद गोखा नाथाय मुलाम्फा गोनां। निमखौ साथ्र हायै बेरामफोरनि मुलि बानायनायाव बाहायनाय जायो। निमआ बिषनि थाखायबो गुन गोनां । बिष गोनां जुनातफोरा अरोब्ला निमनि बिलाइखौ उनग्लिना होयोब्ला बिषआ गोसारा। दैज्लां बोथोराव मानलुनाय, गाराय, खुरु-खुजालिफोरा गोबां जायो
बिब्दियाव निमखौ दैयाव रुनानै दुगैयोब्ला रैखाथि मोनो। निमनि बिलाइयाव भिटामिन सिखौ मोन्नाय जायो, जाय बिगुरनि दागोफोरखौ जानगार खालामनायाव गुन गोनां । बेफोरनि अनगायैबो निमआ गुबुन गुबुन बेरामफोर आरो जेंनाफोरखौ जानगार खालामनायाव मुलाम्फा गोनां।
(1) ओंखाम-ओंख्रि संनायफोराव खाम्ब्रबोब्ला निम बिलाइखौ उनग्लिना फुन्नांगौ। बिब्दि खालामोब्ला आलौनाया थाब सुग्लायो।
(2) खोमायाव जायखि जाया सानाय जायोब्ला निमनि बिदैयाव बेरे मोदै गलायना खोमानि दुलुनाय एबा गारायाव फुन्ना लायोब्ला सानाया गैया जालाङो।
(3) निम आरो लेबुआ हाथायनि सानायखौ जानगार खालामनायाव बान्जाय जाथाव। निम बिलाइखौ उनग्लिना बेयाव लेबु बिदैखौ थरथिंनैसो होना होथायाव फुननांगौ । लासैनो हाथाय सानाया गैया जालांगोन।
(4) जुदि खर'आव जायखि जाया कफिफोर एबा रानस्राव जायोब्ला दैयाव निम बिलाइखौ होना रुनानै उनाव गुसु खालामना खरखौ सुनांगौ। अब्ला स्केल्पनि जेंनाफोरा गैया जालाङो।
