बासुगाव, 16 सेप्तेम्बर: मोनसे गावयारि थाखोनि फसंथान हेल्पिं हेन्डस वेलफेयार मुंनि गौथुमआ दिनै बासुगावआव स्कील डेभेलपमेन्टनि सायाव मोनसे मेल खुंफुंङो । बासुगाव मिउनिसिपाल बर्डनि जथुमसालिआव खुंजानाय मेलआव चिरां जिल्लानि रुरेल इमप्लयमेन्ट खोन्दोनि फोरोंथाय मिरुनि बिथोनगिरि फुतुल बसुमतारिआ गाहाय आलासि महरै बाहागो लायो।
गागु आलासि महरै चिरां जिल्ला दारिमिन खोन्दोनि बिबानगिरि सुभाष दत्त आरो बासुगाव गुदि देहा फाहामसालिनि बिबानगिरि दन्देस्वर हाजंआबो बाहागो लायो। आजिरा मोन्नाय गाहाय फोरोंगिरि भानु रायनि मासि दैदेन्नानै खुंजानाय मेलआव नुजाथिनाय आलासिफोराव गानखौ फसंनायनि सायाव थुलुंगाखांथाव गोर्लै रावजों बुजायनानै होयो। मावबादाखौ मोनसे प्रजेक्टरनि गेजेरजों दिन्थिफुंनायबो जायो। बे बादायाव जायगानि गोबांथार सुबुंफोरा बाहागो लायो।
