मुसलपुर, 15 सेप्तेम्बरः बागसा जिल्लानि भारत-भुटान सिमना सेरनि मख'जाथावना ओन्सोल सुबनखातानि बिखाजों बोहैलांनाय दिरिं दैसानि दैया थांनाय बोसोराव खुरखानानै दैसानि सायाव थानाय पाकानि दालांखौ बोहैखांर लांनायनि जाहोनाव फरायसुला-फरायसुलि आरो गोबां लामा हान्थिग्राफोरा जेंनाजों मोगा-मोगि जानांदों।
मख'नो गोनांदि, थांनाय बोसोराव आरो बावैसो 25 नं बागानपारा बियाबनि बारग' एमसिएलए फलिन्द्र बसुमतारिया गावनि रां बाहायनानै फरायसुला-फरायसुलि, फोरोंगिरि आरो गुबुन गुबुन थाखोनि सुबु लामा हान्थिग्राफोरनि मोजांनि थाखाय बायनाय दालांनि सायाव औवानि दालां बानायनानै होदोंमोन। नाथाय बे दालांनि साजों फिसा गारि खारनायनि जाहोनाव दासान्दि बायलांनो हमनायजों लामा हान्थिनायनि फारसे जायगानि सुबुंफोरा गिथावना थासारिजों मोगा-मोगि जानांदों। जाहोनाव सुबनखाता-निकासि लामानि दिरिं दैसानि सायाव थानाय औवानि दालांखौ फिन बानायफिन्नो थाखाय जायगानि राइजो-राजाफोरा दाबि दैखाङो।
