गोदान दिल्ली, 6 सेप्तेम्बर : 5 सेप्तेम्बरआव हादतनाडै फोरोंगिरि सान फोर्बोखौ फालिदों। बे खाबुआव बलिउड स्टारफोराबो गाव गावनि जिउआव फोरोंगिरिफोरनि बिहोमा होनायखौ गोसो खांनानै ससियेल मिडियाआव माखासे पस्टखौ लिरदों। कंगना रानौट, अजय देबगान, मनज बाजपेयी, शिल्पा शेट्टि, निमरत कौरजों लोगोसे माखासे स्टारफोरा फोरोंगिरिफोरनो साबायख'र बाउदों।
कंगनाया टुइटाराव गावनि एनुवेल फांक्सननि सावगारिखौ सेयार खालामनानै लिरदोंदि, बेयो जानो हागौ बै समनि सावगारि जेब्ला आं सेथि थाखोआवमोन । गावसोर हाजोआरि ओन्सोलआव बादायनायाव बाहागो लादोंमोन आरो फोरिगिरिफोरनिफ्राय गोबां अन्थोब मोन्दोंमोन। जिउआव थोंजों एबा खेस्लायै माखासे फोरोंगिरिफोरा गाव गावनि बिहोमाखौ होदों। गाव बिसोरनो साबायख'र बाउवो। #Happy Teachers Day 2020' । आं गासिबो फोरोंगिरिफोरखौ खुलुमो, जायफोरा आंखौ बिजाबफोरखौ फोरोंनायजों लोगोसे साफ्रोमबो सुबुं आरो भारत बिमाखौ अन्नो गियान होदों । फोरोंगिरि साननि गाहाम हामलायथि बाउहरो ।
अजय देबगानआ फोरोंगिरि सानआव टुइट खालामदोंदि, फोरोंगिरि सानआव गाव केमेराखौ सेल्युत खालामो। मानोना गाव केमेरानि उनाव थानानै माखासे गोदान बाथ्राखौ सोलोंदों। बेयो मोनसे सोलिबाय थानाय हाबाफारि। गाव बै सुबुंनोबो गाहाम हामलायथि बाउनो गोसो जायो, जाय जिउ खुंनायनि नंगुबै ओंथिखौ फोरमायदों। फोरोंगिरिनि फार्से गाहाम हामलायथि बावहरनायनि सोदोबा गोबां खम जायो मानोना बिसोरो जोंनि जिउआव गोबां बिहोमा होदों। निमरतआ लिरदोंदि, गाव गासिबो बाथ्राखौ फोरोगिरिनिफ्रायनो सोलोंदों । गाव बयखौबो खुलुमो।
