• Home
  • /
  • National
  • /
  • नेसनेल लेडाइ हादतगिरि भैंकेया नायडुनाव करना पजिटिभ मोन्नाय जादों गोदान

September 30, 2020

नेसनेल लेडाइ हादतगिरि भैंकेया नायडुनाव करना पजिटिभ मोन्नाय जादों गोदान

दिल्ली, 30 सेप्तेम्बर : लेडाइ हादतगिरि एम भैंकेया नायडुनाव करना जानायनि खौरां मोननाय जादों, बियो बावयैसो समाव राइज्यो सभानि लोगोम बोथोर जथुमाआव सदनखौ सामलायदोंमोन। लेङाइ हादतगिरिनि सेक्रेटारियेटआ मोनसे टुइटआव बुंदोंदि जेब्ला भैंकेया नायडुखौ रुटिन टेस्ट नायनाय जादों अब्ला बिखौ करना पजिटिभ मोन्नाय जादों। नाथाय बे भाइरासआ जेबो लैखोन गैया। बियो न'आव क्वारेन्टाइन थादों।बिनि बिसि उषा नायडुखौ निगेटिभ मोन्नाय जादों। बिबो न आवनो आइसलेसनाव थादों।

Venkiah Naidu

करना भाइरासनि 70,589 गोदान केस मोन्नायजों लोगोसे हादतयाव कभिड-19 नि केसआ 61 लाख जाहैबाय। भारतआव थांनाय 24 घन्टायाव करना भाइरासनि 80,472 गोदान केस मोन्नाय आरो सा 1,179 सुबुंफोरा थैनायखौ रेकर्ड खालामनाय जादों। देहा मावख'नि डेटानि बादिब्ला, हादतयाव बे बेरामनि गाहामाव फैनाया 83.33 जौखोन्दो जाबाय आरो थैनायनि हारआ 1.57 जौखोन्दोआव सौफैबाय। महारास्ट्रआव करना भाइरासआ बांसिन गोहोम गोग्लैदों। बेवहाय दासिमाव 13,66,129 केसखौ थिसन्नाय जादों जेराव सा 36,181 सुबुंफोरा जिउ गोमोबाय।

Share with your friends!

Related Posts

न’खर न’खर हादरारि फिरफिला बिरहोनाय थांखिजों 24BN SSB नि गोलाव हान्जा सुरनाय ।

न’खर न’खर हादरारि फिरफिला बिरहोनाय थांखिजों 24BN SSB नि गोलाव हान्जा सुरनाय ।

रांखान्थि मन्थ्रिआ मैया मिरुनि बाजेटखौ थिसन्दों

रांखान्थि मन्थ्रिआ मैया मिरुनि बाजेटखौ थिसन्दों

बि टि आरनि सिङाव ओन्सोल सोसनायनि थाखाय आर’जलाइ गथायनायनि समखौ फोलावबाय

बि टि आरनि सिङाव ओन्सोल सोसनायनि थाखाय आर’जलाइ गथायनायनि समखौ फोलावबाय

हादतनि गोबां राइज्योफोराव बार्ड फ्लुआ गिथावनायै गोसारदों

हादतनि गोबां राइज्योफोराव बार्ड फ्लुआ गिथावनायै गोसारदों

Published by

Bodosa


Bodosa is a Daily Newspaper, printed in Bodo language.

Leave Your Comment Here