गोदान दिल्ली, 27 आगस्ट: आरएसएसजों सोमोन्दो गोनां फसंथानआ अनलाइनआव सोलोंथाय लाहोनो निखावरि गथ'फोरनो टेकनिकेल राहाजों जगायना होनो थियारि खालामदों। दलित आरो गोग्लैसोनाय ओन्सोलफोराव गोनांथि जानाय उन्दैफोरनि सार्भे खालामनानै फसंथानआ समाजारि हेफाजाब होनायनि गेजेरजों बिसोरनो टेकनिकेल राहाखौ मोनहै होनो नाजादों, जाहाथे गोजान आरो गोग्लैसोनाय ओन्सोलफोराव थाग्रा उन्दै गथ'फोरा अनलाइन सोलोंथाय लानायाव उन जानानै थानाङा।
आरएसएसनि थुलुंगानायजों सोलोंथाय बिथिङाव हाबा मावग्रा फसंथान एनअवाइएएसनि माहारियारि सेक्रेटारि अतुल कठारीया फोरमायदोंदि, ट्राइबेल ओन्सोलनि उन्दै फरायसाफोरनाव अनलाइन सोलोथायनि बिजों गैयैनि जेंनाया सौरांआव फैदों। बिब्दिनि थाखाय फसंथानआ समाजारि हेफाजाबनि गेजेरजों उन्दैफोरनो गोनोखोआरि दाजेम जगायना होनो जागायबाय।
समाजनि गोहोम गोनां सुबुंफोरखौ बे हाबाफारिआव लाफानाय जादों, जाहाथे बिसोरनि दान हरनाय टेबलेटखौ गोनांथि जानाय फरायसाफोरनो रान्ना होनो हायो। आरएसएस फोसावदिं खालामग्रा आरो शिक्षा संस्कृति उत्थान न्यासनि गाहाय सेक्रेटारि अतुल कठारीआ गुजरात सरकारनि बे यजनाखौ बाख्नायदों, जेराव 1,000 रांजोंनो फरायसालिनि फरायसाफोरा टेबलेट मोनगोन।
