गोदान दिल्ली, 6 सेप्तेम्बर : निखावरिफोरखौ थोजों आइजों सरजाब नांगौ । सम सम मीनिमाम आय, केलरि आरो 13 था मानदान्दानि सायावबो नायबिजिरनाय जायो। निखावरिफोरा गोगो लोंग्रा दैखौ लायनो थाखाय बेसेबां गोजान थाबायना थांनांगौ जायो, फाहामथायनि आंखालाव गथ'फोरा न'याव थैदों नामा आरो गथ'फोरा 6 बोसोरसिमाव स्कुलाव थादों ना थाङाखै, बेबादि मानदान्दानि सायाव गिबियावनो बाथ्रा सावराय खांबाय। इउनाइटेड नेशन्स डेभेलपमेन्ट प्रग्रामनिफ्राय गासिबो हादतफोरखौ माल्टिडाइमेन्सनाल पभार्टि इन्डेक्सखौ थि खालामनो बाथ्रा बुंदोंमोन । बेनि थाखाय सरकारनिफ्राय सरासनस्रा समिति दाफुंनाय जादों। बावयैसो समाव एम पि आइ सरासनस्रा समितिनि जथुम्मा खुंनाय जादों जेराव गुबुन गुबुन मावख'नि गागि बिबानगिरिफोरा एम पि आइनि मानदान्दानि सायाव सावरायनाय जादों।
सरासनस्रा समितिनि आफादगिरि एबा नीति आयगनि बोसोनगिरिया फोरमायदोंदि, एम पि आइखौ थियारि खालामनायाव गाहाय महरै मोन्थाम बिथिंखौ लाफादेरनाय जादों। बेफोर जादों गाहाम देहा, सोलोंथाय आरो जिउ खूनायनि राहा। बे मोनथामनि मोन 10 मानदान्दाखौ थि खालामनाय जादों, जायखौ बिथा खालामनायनि सायाव भारतनि एम पि आइखौ थियारि खालामनाय जागोन। मोनफ्रामबो मानदान्दानि थाखाय अन्जिमाखौ रोखा खालामनाय जागोन, जायखौ बिथा खालामनायनि सायाव बबे बबे बिथिंयाव बेसेबां निखावरि दं बेखौ मोनथिनो मोनगोन । एमपिआइनिफ्राय मोनथिनो मोनगोनदि भारतआ बे मोनथाम बिथिंयाव बेसेबां जौगाखांदों।
आथिखालाव जाय एमपिआइखौ थियारि खालामनाय जादों बेवहाय 2015 निफ्राय दासिमनि खौरांखौ लानाय जादों। हादतनि गासिबो न'फोरनि डाटाखौ लानानै बेनि फारिलाइखौ थियारि खालामनाय जागोन। डाटा बानायनायनि हाबाफारियाव नेशनेल फेमिल लानाय जादों । नीति आयगनि बादिब्ला आथिखालाव राइज्योफोरनिफ्राय गाहाम देहा सोलोंथाय आरो जिउ खुनायजों सोमोन्दो थानाय सुबिदाफोरखौ जगायना होनायाव गोख्रोंथि लाबोनो थाखाय बाथ्रा बुनाय जादों । जाहाथे एम पि आइयाव बेनि थासारिखौ मोनथिनो हायो।
