• Home
  • /
  • National
  • /
  • नख’र मन्थ्रि अमित शाहखौ एम्सआव थिसन्नो गोनां जादों

August 19, 2020

नख’र मन्थ्रि अमित शाहखौ एम्सआव थिसन्नो गोनां जादों

गोदान दिल्ली, 18 आगस्ट: मिरुनि नख'र मन्थ्रि अमित शाहखौ मैया हरनि 2.00 रिंगासो समाव दिल्लीनि एम्सआव थिसन्नो गोनां जादों। बिखौ अल्ड प्राइभेट वार्डआव दोन्नाय जादों आरो एम्सनि डिरेक्टर डाः रणदीप गुलेरियानि जोथोन लानायाव बिखौ फाहामथाय होगासिनो दं। एम्सनिप्राय मिबथिनो मोन्नाय बादिब्ला, बियो मेंनाय आरो देहायाव सानाय-सुनाय मोन्दों । एम्सनि मिडिया आरो प्रटकल बिफानआ फोसावनाय प्रेस बिबुंसारनि बादिब्ला, अमित शाहखौ करना टेस्ट नायनायबो जादों, जेराव बिनि रिपर्टआ नेगेटिभ फैदों । मख'जाथावदि, बावैसो सिगाडावसो बियो करनाजों भुगिनांदोंमोन । बिखौ गुरुग्रामनि मेदान्ता देहा फाहामसालियाव थिसन्नानै फाहामथाय होनानै मोजाङाव फैदोंमोन। थांनाय शुक्रबारखालि अमित शाहआ गावनो टुइट खालामनानै गावनि करना नेगेटिभ रिपर्टनि बाथ्राखौ मिबथिहोदोंमोन। बियो टुइटआव बुंदोंमोन-आंनि करना टेस्ट रिपर्टआ नेगेटिभ फैदों। आं इसोरखौ साबायख'र बाउयो आरो बे समाव जाय सुबुंफोरा आंनि गाहाम देहानि थाखाय गाहाम हामब्लायथि बाउहरनानै आं आरो आंनि नख'रनो अन्नायखौ बाउहरदों बिसोरनो बयनोबो गोसो गोर्बोनिफ्राय साबायख'र बाउहरो। डाक्टारनि सुबुरुन बादियै माखासे सान आं हम आइस'लेसन आव थाबावगोन। करना इन्फेक्सनजों जुजिनायाव गावखौ मदद होनाय, जोथोन लानाय गासैबो देहा फाहामसालिनि डाक्टारफोर आरो फेरामेडिकल स्टाफनोबो साबायख'र बाउहरो।

Share with your friends!

Related Posts

न’खर न’खर हादरारि फिरफिला बिरहोनाय थांखिजों 24BN SSB नि गोलाव हान्जा सुरनाय ।

न’खर न’खर हादरारि फिरफिला बिरहोनाय थांखिजों 24BN SSB नि गोलाव हान्जा सुरनाय ।

रांखान्थि मन्थ्रिआ मैया मिरुनि बाजेटखौ थिसन्दों

रांखान्थि मन्थ्रिआ मैया मिरुनि बाजेटखौ थिसन्दों

बि टि आरनि सिङाव ओन्सोल सोसनायनि थाखाय आर’जलाइ गथायनायनि समखौ फोलावबाय

बि टि आरनि सिङाव ओन्सोल सोसनायनि थाखाय आर’जलाइ गथायनायनि समखौ फोलावबाय

हादतनि गोबां राइज्योफोराव बार्ड फ्लुआ गिथावनायै गोसारदों

हादतनि गोबां राइज्योफोराव बार्ड फ्लुआ गिथावनायै गोसारदों

Published by

Bodosa


Bodosa is a Daily Newspaper, printed in Bodo language.

Leave Your Comment Here