गुवाहाटी, 23 सेप्तेम्बरः हादतनि गुबुन गुबुन राइज्योफोरजों लोगोसे आसाम राइज्योआवबो दासान्दि कभिड-19 महामारिनि गोसारनाया गुवारै सोलिबाय थानायखौ नोजोर होनानै बे गिख्रंथाव भाइरासनिफ्राय सुबुंफोरखौ जिउ रैखाथि होनायनि थांखिजों 23 सेप्तेम्बरनिफ्राय दुलाराय राइज्योनि सिङाव थानाय जिल्लाफोराव सुबुं सांग्रांथि बादाखौ खुंनाय जागोन। आसाम सरकारनि गांसे रादाब बिबुंसाराव नेसनेल हेल्थ मिसनआ फोसावनाय बायदियैब्ला 23 सेप्तेम्बरनिफ्राय राइज्योनि सिङाव जिल्ला खुंथायआ कभिड-19 नि सायाव सुबुं सांग्रांथि बादा-गन जागारण हाबाफारिखौ खुंगोन। राइज्योनि जिल्ला खुंथाइफोरा गोजौआव मख'नाय अक्टनिफ्राय सांग्रांथि बादाखौ खुंनो थांखि लानाय बायदियै सा 30 सो आसाम मावफारियाफोरा जथुमनाय समाव कभिड-19 नि सांग्रांथिनि सायाव प्लेकार्डफोर दिन्थिनायजों फोसावदिंगोन। कभिडनि गासै नेम-खान्थिखौ मानिनानै जिल्लाफोरनि न'-न' थांनानै सुबुंफोरखौ सांग्रांथि होगोन। बेनि अनगायैबो फैगौ 28 निफ्राय 30 सेप्टेम्बरसिमनि गेजेराव आसामआ गासै 2 लाख सुबुंफोरनि देहायाव करना टेस्ट खालामनायनि थांखि लादों।
बे सांग्रांथि होनाय हाबाफारिआव एनजिअ', अरुनदय सहायक, सेल्प-हेल्फ ग्रुपनि सोद्रोमाफोर, भि एइस एस एन सि, महिला आराग्य समिटिनि सोद्रोमाफोरा बाहागो लागोन। नेसनेल हेल्ट मिसनआ मिजिंथिदों दि, बे गिथावनायै गोसारनाय कभिड-19नि समाव सुबुंफोरखौ सांग्रां खालामनो हागोन आरो हाबाफारिआ फिथाय गोनां जागोन। एनएइसएमनि अएसडि पमि बरुवाआ बुनाय बादिब्ला, राइज्योनि गासै जिल्लाफोरनि सिङाव बे सांग्रांथि होनाय हाबाफारिखौ जिल्ला थाखोआव खुंनाय जागोन। एन एइस एमनि मिसन डाइरेक्टर डा लक्ष्मानन एसआ बुंनाय बादिब्ला, बे हाबाफारिआ दासान्दि सोलिनाय गिथावना थासारिआव जों साफ्रोमबो सुबुंफोरखौ माबोरै हेफाजाब खालामनो हागोन आरो कभिड-19 निफ्राय सुबुंफोरखौ मा राहाजों सांग्रां खालामनो हागोन बेनि सायाव गोनांथारै डिब्रुगड़आव खुंनाय मेलाव बिबुंथि लाखियो।
एन एइस एमआ राइज्योनि गासैबो जिल्लाफोरखौ बे हाबाफारिआव आबुं मदद खालामगोन होन्नानै बाथ्रा होयो। नेसनेल हेल्ट मिसननि गुबुन गुबुन बिफाननि बिबानगिरिफोराबो बाहागो लानानै मेलाव बिबुंथि लाखिनायनि गेजेरजों कभिड-19 नि सायाव सांग्रांथि होनो लानाय हाबाफारिआव राइज्योनि साफ्रोमबो सुबुंफोरखौ बाहागो लानो थाखाय फोसावो।
