• Home
  • /
  • Entertainment
  • /
  • दादा साहेब फाल्के इन्टारनेसनेल सावथुन फेस्टिभेल एवार्ड 2021 आव सुशान्त सिं राजपुतनो सम्मान होगोन

August 30, 2020

दादा साहेब फाल्के इन्टारनेसनेल सावथुन फेस्टिभेल एवार्ड 2021 आव सुशान्त सिं राजपुतनो सम्मान होगोन

बलिउड डेस्क, 29 आगस्ट: फावखुंगुर सुशान्त सिं राजपुतआ जाय अन्नाय, फेन फलई आरो सम्मानखौ थांनानै थाजासिमआव हास्थायदोंमोन, आथिखालाव बियो बेफोर गासिखौबो मोनबाय। नाथाय खाफाल गैयैआव बेफोरखौ बियो थैनायनि उनावसो मोन्दों। दादा साहेब फाल्के एवार्डआ गावनि अफिसियेल इन्सटाग्राम पेजआव बे बाथ्रानि खौरांखौ होदोंदि, दादा साहेब फाल्के इन्टारनेसनेल सावथुन फेस्टिभेल एवार्ड 2021 आव सुशान्तनो थैनायनि उनाव सम्मानखौ होनाय जागोन। आथिखालाव जायाखै। दानसे सिगां मुलुग आरो सावथुनआव बिनि बिहोमा होनायनि थाखाय केलिफर्निया स्टेट एसेम्बलीनिफ्राय जरखा सम्मान होनाय जादोंमोन।

बिनि बिब श्वेता सिं कीर्तिआ बिनि सार्टिफिकेटखौ आजावदों। श्वेताया ससियेल मिडियाआव बिनि खौरांखौ होनानै लिरदोंमोन भारतीय उदांनि साननि खाबुआव केलिफर्निया आंनि फंबाइ सुशान्तनो ससाइटिआव बिनि अभारअल कन्ट्रीब्युसननि थाखाय सम्मान होदों। केलिफर्नियाआ जोंजों लोगोसे दङ। सापर्टहोनायनि थाखाय साबायख'र केलिफर्नियआ। फोरमायथि आरो फोसावदिं मावख'आ बे बोसोरनि माहारियारि बान्थाफोराव फावलुंगुरनो जरखा महरै सम्मान होनो हागौ। अथिखालआव दासिमबो मावख'नि गेजेरजों बेखौ थि खालामनाय जायाखैदि बे सम्मानआ मा रोखोमै जागोन।

रिपर्टआव मिनिस्ट्रनि सुलुंनि गथायनायाव लिरदोंदि, थाबैनो थैनायनि उनाव होना बे सम्मानखौ थांखि लानाय जागोन । बलिउड हांगामानि रिपर्टआव भारत सरकारनि सुलुंनि गथायनायाव लिरदों। सुशान्तनि थैनाय फुरा सावथुन मुलुगखौ सोमावग्लुंदों। थैनायनि उनाव बियो जाय सम्मानखौ मोन्दों बिखौ बियो थांनानै थानाय समाव माब्लाबाबो मोनाखै। बेयो बेलेन्स गैयै जादों आरो बेखौ मोजाडै खालामनांगौ। सुशान्तनि सावथुनफोरनि थाखाय सरकारनि गेजेरजों मोनसे सेपारेट फेस्टिभेलखौ प्लेनिं खालामनाय जादों।

फार्सेथिं नेसनेल एवार्डनि समाव बिनो सावथुनाव गाहाय बिहोमा होनायनि थाखाय जरखा बान्था होनाय जागोन। फावखुंगुर सुशान्तआ इन्टारटेनमेन्ट इन्डास्ट्रिआव 11 बोसोर फाव खालामदों। बेनि गेजेराव जागायनायाव 5 बोसोरखौ बियो फिसा पर्दानो होदों आरो 6 बोसोरसिम सावथुननि थाखाय फावखालामदों। नाथाय बे 6 बोसोराव 11 सावथुनफोराव फाव खालामदोंब्लाबो बियो नेसनेल एवार्ड आरो फिल्मफेयार एवार्डखौ मोन्नो हायाखैमोन।

Share with your friends!

Related Posts

पुनम पान्डेनि हेंथायै गवायाव केस थिसन्दों

पुनम पान्डेनि हेंथायै गवायाव केस थिसन्दों

शिल्पा शिन्देआ एक्ता कापुरनि वेब सिरिज पौरशपुरजों डिजिटेल डेब्यु खालामसिगोन

शिल्पा शिन्देआ एक्ता कापुरनि वेब सिरिज पौरशपुरजों डिजिटेल डेब्यु खालामसिगोन

सनु सुदआ रुंसारि जानाय बिमा सरजनि थैनाय सानआव स्कलारसिप स्कीमखौ जागायजेनदों

सनु सुदआ रुंसारि जानाय बिमा सरजनि थैनाय सानआव स्कलारसिप स्कीमखौ जागायजेनदों

Published by

Bodosa


Bodosa is a Daily Newspaper, printed in Bodo language.

Leave Your Comment Here