आंकारा, 31 अक्टबर: तुर्की आरो ग्रीसआव गोख्रों बांग्रिं मावनायखौ शुक्रबारखालि मोन्दांथिनाय जायो। रिक्टार स्केलआव 7 गोख्रोंथिजों फैनाय बे बांग्रिजों गोबां न'-बांफोरा खहा जायो। बांग्रिं मावनायनि उनाव बोखांनाय आरो मदत होनाय हाबाखौबो लोगो लोगोनो खुंथाया मावफुंगासिनो थायो। सुलुंनि बादिब्ला, बांग्रिं मावनायनि उनावनो सुनामिनि एलार्टबो फोसावनाय जायो। सुलुङाव बेखौबो बुंदोंदि, लैथो सेरनि ओन्सोलफोराव थानाय सहरफोराव लैथोनि दैया बोहैबोनानै हाबफैनो हमबाय।
बे बांग्रिं मावनायनि मिरु थावनिखौ तुर्कीनि इजमिर हादाबसानिफ्राय 17 कि:मिः गोजाननि एजिएन लैथोनि 16 कि:मिः गोथौनिफ्राय मावग्लुंबोदों होन्नानै बुबुनाय जादों। बे बांग्रिंजों इजमिर राइज्योआवनो बांसिन खहा जायो। बे सहरनि 20 निख्रुइबो बांसिन न'फोरा बाइग्रबजोबो आरो दासिम सा 4 सुबुं थैनायजों लोगोसे जौसेनि बांसिन जोखोम जानाय फाहाम सिबिथायनिफ्राय मिबथिहोनाय जादों । बे बांग्रिंआ तुर्कीनि इस्तानबुल सहर आरो ग्रीसनि एथेन्स नोगोरखौबो सोमावग्लुंहैयो। अदेबानि बे सहर मोननैयाव खहा जानायनि दासिम खौरां मोन्नो हानाय जायाखै।
