• Home
  • /
  • Sports
  • /
  • डब्लिउ टि ए टुर्नामेन्टआव सेरेना उइलियामसआ गोनों गेलेनायजों थामथि राउन्डआव सहैबाय वासिंटन

August 15, 2020

डब्लिउ टि ए टुर्नामेन्टआव सेरेना उइलियामसआ गोनों गेलेनायजों थामथि राउन्डआव सहैबाय वासिंटन

14 आगस्ट : मुलुगनाडैनो गिलंथाव करना भाइरासनि गोसारनाया दासान्दि सोलिबाय थानायनि गेजेरावनो थांनाय साननैसोनिफ्राय जागायजेन्नाय डब्लिउ टि ए टेनिस टुर्नामेन्टनि मैया गेलेनाय मोनसे मेचखौ देरहाबावदों मुलुगनि गुबुन सासे गोहो-गोरा टेनिस गेलेगिरि सेरेना उइलियामसआ। मैया गेलेनाय टुर्नामेन्टनि नैथि राउन्डनि मेसआव सेरेना उइलियामसआ गावनि गोनों गेलेनायजों भेनास उइलियामसखौ गासै 3-6, 6-3, 6-4 सेटि पइन्टनि फारागथिआव गोब्राबजों फेजेन्नो हायो। बिसोर सानै बिब'-बिनानावनि गेजेराव थांनाय 2018नि इउ एस अपेननि मेसखौबो मोगा-मोगि गेलेदोंमोन । मखनो गोनांदिकरना भाइरासनि जाहोनाव थांनाय दाननिफ्राय टेनिस गेलेनाया बन्द जानानै थानायनि जाहोनाव बे समाव खुंनाय डब्लिउ टि ए टेनिस टुर्नामेन्टआव गावनि गेलेनायखौ लाबोफिननानै सेरेना उइलियामसआ गोखोडै जागायजेन्दों। दासिम गावनि गेलेनाय मोननै राउन्डनि मेसखौ देरहानो हानायजों थामथि राउन्डआव सहैनो हाबाय। मैया गेलेनाय नैथि राउन्डनि मेसखौ देरहानो थाखाय सेरेना उइलियामसआ गावनि बिबभेनासनि हेथायै माखासे समजों गोनों गेलेनो गोनां जादोंमोन । दासिम बिसोर सानैनि गेजेराव मोन 31 खेब गेलेनायनि गेजेराव मोन 19 मेसखौ सेरेना उइलियामसआ देरहानो हानायाव जाफुसारदों। थांनाय बोसोरनि इउ एस अपेननि गेलेनायावबो सेरेना उइलियामसआ भेनास उइलियामसखौ फेजेन्नो हादोंमोन। थामथि राउन्डनि मेसआव सहैनो हानायनि उनाव बे मेसखौ आमेरिकानि गेलेगिरि सेरेना उइलियामसआ शेल्भी रजार्सनि हेथायै मोगा-मोगि गेलेगोन। गावनि गेलेनायखौ बे टुर्नामेन्टआव देरहानो मिजिंथि लाखिनायनि उनाव सेरेनाया फैगौ इउ एस अपेनआव बाहागो लानो थाखाय थियारि जाबावदों।
Share with your friends!

Related Posts

आसाम इयुथ अलिम्पिक 2022 आव तामुलपुरनि गेलेगिरिफोरा मोननै सना आरो मोननै रुफानि मेडेल दारहासारदों

आसाम इयुथ अलिम्पिक 2022 आव तामुलपुरनि गेलेगिरिफोरा मोननै सना आरो मोननै रुफानि मेडेल दारहासारदों

रनाल्डनि गलआ बेकार: सिरि-एआव भेरोनाया जुभेन्टासजों ड्र लाखियो, प्रिमियार लीगआव मेनसिटिआ लान्थ्रियैनो 20 थि मेच देरहादों

रनाल्डनि गलआ बेकार: सिरि-एआव भेरोनाया जुभेन्टासजों ड्र लाखियो, प्रिमियार लीगआव मेनसिटिआ लान्थ्रियैनो 20 थि मेच देरहादों

आगु वर्ल्ड सेम्पियनखौ फेजेन्नानै रेसलिंआव सना मेडेल देरहाबाय भिनेश फगातआ

आगु वर्ल्ड सेम्पियनखौ फेजेन्नानै रेसलिंआव सना मेडेल देरहाबाय भिनेश फगातआ

भारतनि हान्जाया जोबथा मेचयाव मुलुगनि नैथि हान्जा आर्जेन्टिनानि हेथायै ड्र गेलेदों

भारतनि हान्जाया जोबथा मेचयाव मुलुगनि नैथि हान्जा आर्जेन्टिनानि हेथायै ड्र गेलेदों

Published by

Bodosa


Bodosa is a Daily Newspaper, printed in Bodo language.

Leave Your Comment Here