• Home
  • /
  • National
  • /
  • जेइइ आरो एनइइटि आन्जादखौ थि समावनो खुंगोनः एनटिए

August 27, 2020

जेइइ आरो एनइइटि आन्जादखौ थि समावनो खुंगोनः एनटिए

गोदान दिल्ली, 26 आगस्ट: इन्जिनियारिं आयदायाव हाबजेन्नाय जइन्ट इन्ट्रेन्स इक्जाम सुंदयै जेइइनि मेन्स आरो मेडिकेल आयदायाव हाबजेन्नायनि थाखाय जानो गोनां नेसनेल इलिजिबेलेटि काम इन्ट्रेन्स टेस्ट सुंदयै एनइइटि आन्जादखौ दोन्थ'नो थाखाय माखासे फरायसाजों लोगोसे बेरेखा राजखान्थि हान्जायाबो दाबि खालामदों।

नाथाय नेसनेल टेस्टिं एजेन्सि सुंदयै एनटिएआ दाबि देखांनायखौ नेवसिगारनानै थि समावनो बे मोननै आन्जादखौ खुंनो थाखाय थि खालामनाय जाबाय। एनटिएआ रोखा फोसावनाय बायदिब्ला सुप्रिम कर्टनि होनाय बिथोननि उनाव आन्जाद टुंगोननि सायाव जेबो हेथा-हेंसि जायाखै। अदेबानि मोननै आन्जादखौ थि समावनो खुनाय जागोन। दासान्दि एनटिएआ एनइइटि आन्जादनि थाखाय आर जलाइखौ फोसावनाय जाबाय।

फोसावनायनि 4 घन्टानि उनावनो 5 लाखनिखुइबो बांसिन फरायसाफोरा आर'ज लाइखौ डाउनलड खालामदों होन्नानै मिथिनो मोन्दों। आन्जादखौ दोन्थ'नो थाखाय दाबि खालामग्रा फरायसाफोरा मोनसे हान्जा दाफॅनायबो जादों। बे हान्जाखौ कंग्रेस आरो गबन बेरेखा राजखान्थि हान्जाया हेफाजाब होदों। कंग्रेसनि दैदेनगिरि राहुल गान्धीया बुधबारखालि टुइटारनि गेजेरजों सरकारखौ थोंजोडै इसारा होनानै बुङोदि, दाबि खालामनाय फरायसा आफादजों गोनांथारै सावरायना जेंनाखौ समादान खालामनांगौ। बेनि सिगां महाराष्ट्र, उरिष्या, सोनाब बंग' आरो दिल्ली बायदि राइज्योफोरावबो आन्जादखौ दोन्थ'नो थाखाय दाबि खालामखांबाय ।

दासान्दि हादतनि मोन 7 राइज्योफोरनि गिबि मन्थ्रिया बे थांखिनि सायाव बिजिरफिन्नो थाखाय माननि सुप्रिम कर्टयाव गसर थिसन्दों। फारसेथिं सोलोंथाय बिफाननि सुलुङा फोरमायनाय बायदिब्ला जायफोर सुबुंफोरा आन्जादखौ दोन्थ'नायनि दाबि खालामदों बिसोरो गावआरि सोलोंथाय फसंथानखौ मुलाम्फा होनो थाखायसो हास्थायदों। मख'नो गोनांदि, एनटिएआ थांखि आजावना लानाय बायदियै सोलिफु बोसोरनि फैगौ 1 निफ्राय 6 सेप्तेम्बरखालि जेइइ मेन्स आन्जादखौ खुंनाय जागोन आरो एनइइटि आन्जादखौ फैगौ 13 सेप्तेम्बरखालि खूनायनि थांखि लादों। एनटिएनि बिबानगिरिया बुङोदि, करना भाइरासनि जाहोनाव फरायसानि हास्थायनाय आरो थासारिखौ नोजोर होनानै बे मोन 2 आन्जादखौ 2 थि खेब दोन्थ'नाय जाबाय।

 नाथाय बे समाव आन्जादखौ दोन्थ'नायनि बाथ्रायानो फैया आरो जाथावना नङा होन्नानै बुङो। एनटिएआ फैगौ समाव मोन 2 आन्जादखौ खंनो लानाय बायदियै थासारिखौ नोजोर होनानै गोनों राहाजों आन्जाद मिरुयाव फरायसाफोरखौ गोबां जमा जानो हायै बादि मोनसे ख'थायाव सा 12 फरायसाफोरखौल' जिरायहोनायनि थांखि लादों। मख'नो गोनांदि, जेइइनि मेन्स आन्जादआ आबुडै कम्पिउटारनि सायाव सोनारनाय मोनसे आन्जाद। जेराव कम्पिउटारनि गेजेरजोंनो बे आन्जादखौ दुलाराइ भारत हादतनि गेजेराव खुंनायजों फरायसाफोरनि गासै आन्जाद होनायखौ बुथुमनो हानायजों फिथाइखौबो गाहामै फोसावबोदों। एनटिएआ मोन 2 आन्जादखौ खुनायनि सिगांनो आरो फरायसाफोरनि थाखाय साबसिन राहाखौ नोजोर होनानै हादतनि राइज्योफोरखौ जरखा राहा खालामनानै होनो बुनाय जादों।
Share with your friends!

Related Posts

बर’ फिसा अमब्रिका नार्जारीआ हादरारि थाखोनि एथलेटिक्स बादायलायनायाव सिल्भार मेडेल देरहादों ।

बर’ फिसा अमब्रिका नार्जारीआ हादरारि थाखोनि एथलेटिक्स बादायलायनायाव सिल्भार मेडेल देरहादों ।

न’खर न’खर हादरारि फिरफिला बिरहोनाय थांखिजों 24BN SSB नि गोलाव हान्जा सुरनाय ।

न’खर न’खर हादरारि फिरफिला बिरहोनाय थांखिजों 24BN SSB नि गोलाव हान्जा सुरनाय ।

रांखान्थि मन्थ्रिआ मैया मिरुनि बाजेटखौ थिसन्दों

रांखान्थि मन्थ्रिआ मैया मिरुनि बाजेटखौ थिसन्दों

बि टि आरनि सिङाव ओन्सोल सोसनायनि थाखाय आर’जलाइ गथायनायनि समखौ फोलावबाय

बि टि आरनि सिङाव ओन्सोल सोसनायनि थाखाय आर’जलाइ गथायनायनि समखौ फोलावबाय

Published by

Bodosa


Bodosa is a Daily Newspaper, printed in Bodo language.

Leave Your Comment Here