• Home
  • /
  • International
  • /
  • चीननि ब्रह्मपुत्र दैमा सायाव बान्दो बानायनायजों भारतनि जिंगा सिनाया बांदों

December 2, 2020

चीननि ब्रह्मपुत्र दैमा सायाव बान्दो बानायनायजों भारतनि जिंगा सिनाया बांदों

गोदान दिल्ली, 2 डिसेम्बर: भारतआ ब्रह्मपुत्र दैमा सायाव अरुनाचल प्रदेशआव 10 गीगावाटनि पनबिजली बिथांखिखौ गायसन्नो यजना बानायदों। ब्रह्मपुत्र दैमानि मोनसे बाहागो सायाव चीननि गेजेरजों बान्दो बानायनायनि खौरां मोन्नायनि उनाव भारतआ बेबादि फिन्जाथाय होदों। ब्रह्मपुत्र दैमाखौ चीनआव यारलुंग 'सांगब'नि मुङै मोनथिनो मोन्नाय जायो। बेनि तिब्बतनिफ्राय ओंखारबोनानै भारतीय राइज्योफोर- अरुनाचल प्रदेश आरो आसामनि गेजेरजों बोहैलांनो बांग्लादेशसिम सौहैयो। भारतनि बिबानगिरिफोरा चीन गेजेरजों बान्दो बानायब्ला भारतीय ओन्सोलाव दै बाना लोमसाव जानो एबा दैनि खैफोदखौ सोमजिखांजानो गिदों। एलएसिआव दरनैबो हादतनि सिमनानि गेजेराव जेंना सोमजिनायनि जाहोनाव आथिखालाव दरनैबो हादतनि सोमोन्दोया मोजां जायाखै। माखासे जरखाफोरनि बादिब्ला चीननि गेजेरजों ब्रह्मपुत्रआव बान्दो बानायनायजों दरनैबो हादतफोरनि गेजेराव जेंना सोमजि बावनायनि जाहोन जानो हागौ, मानोना चीननि बान्दोआ भारतीय सिमनानि खाथियाव थागोन।

Share with your friends!

Related Posts

बे बोसोराव औरैबादि गुसु जानो हागौ, जाय सिगांनि गोजाम रेकर्डफोरखौ सिफायगोन

अलास्कानि ग्लेसियारआ गोबां आवलिदों, बेनि हाया गिसिखायोब्ला सुनामी जानो हागौ

बे सहरयाव 60 सान खोमसि जागोन

आमेरिकानि गोदानै सायख’जानाय हादतगिरिआ भारतजों लोगोसे हाबाफारि मावनो उसु खुथु जादों

Published by

Bodosa


Bodosa is a Daily Newspaper, printed in Bodo language.

Leave Your Comment Here