चिरां, 7 सेप्टेम्बर : चिरां हाग्रा बिफना 6 सेप्तेम्बरखालि हाग्रा बिफाननि बिबानगिरि ब्रह्मानन्द पाटिरिनि दैदेननायाव जिल्लानि सिङाव मैदेर गावथारग्रा सासे सुरांखौ खादों। हमनो हानाय सुरांखौ चिरां जिल्लानि लावपानि आस्राबारिनि दाफ्ला एबा उत्तम नार्जारी होननानै सिनायथिदों।
मोनसे जर'खा सुलुंनि गेजेरजों हाग्रा बिबानगिरिनि दैदेननायाव ओंखारनाय हान्जाया संदाननायनि गेजेरजों उत्तम नार्जारीखौ हमनो हानायाव जाफुंसारो। मख'नो गोनांदि सोलिफु बोसोरनि थांनाय एप्रिल दाननि गेजेर समाव उल्टापानि हाग्रा रेन्जनि 7 नं राइट बाहागोआव सुरांआ मैदेरखौ गावथारदोंमोन। दासान्दि हमनो हानाय सुरां उत्तम नार्जारीखौ हाग्रा बिफाना दख'लाव लानानै जाथायनि सायाव सोंथि खालामनायखौ सोलिहोबाय थादों होननानै हाग्रा बफाननि सुलुङा फोरमायदों।
