काजलगाव, 24 आगस्टः चिरां जिल्लानि दादगारियाव थांनाय हरनि समाव हाग्रानि मैदेरनि हाथायजों लोगोसे सासे सुरां फालांगिखौ पुलिसआ खानो हादों।
पुलिसनि सुलुंनिफ्राय मिथिनाय बायदिब्ला जिल्लानि रुनिखाथा पुलिस थानानि सिङाव थानाय भारत-भुटान सिमानि दादगारि ओन्सोलाव पुलिस आरो हाग्रा बिफानआ रबिबारखालि बेलासि समनिफ्राय मोनसे जुथाय संदानो आरो बे संदान्नायनि गेजेरजों 2 नं खाग्राबारिनि एलेन बसुमतारि मुंनि सासे सुबुंखौ खानो हायो। हमनो हानाय सुबुंनिफ्राय 10 कि:ग्रा: लिरथायनि थ'नै मैदेरनि हाथाय, मबालइ फन, रेनकट फोरखौ बोखांनो हायो ।
एलेन बसुमतारिया हाग्रानि जिब-जुनात बुथारनायजों लोगोसे सुरां फालांगियाव लोब्बा थानाय हान्जानि गुबुन सासे सोद्रोमा होन्नानै जिल्ला पुलिस बिबानगिरि सुदाकर सिंआ मिथिहोदों । बे जाथायनि सोमोन्दोयाव दादगारि पुलिस सकियाव जिडिइ नं 321 नम्बराव गसर थिसन्नानै पुलिसआ दासान्दि संदान्नायखौ सोलिहोबाय थादों।
