• Home
  • /
  • Health
  • /
  • गोबां संख्रि जायोब्ला इम्युनिटि सिस्टेमा लोरबां जायो

August 29, 2020

गोबां संख्रि जायोब्ला इम्युनिटि सिस्टेमा लोरबां जायो

खायसे सुबुंफोरा जानाय आदाराव संनि ज्रोम होना जानायनि हुजा थायो। नाथाय बांसिन सुबुंफोरानो बेखौ मिथियादि, गोबां संख्रि जायोब्ला देहाया ख'हा जायो। बेनि जाहोनाव माखासे बेरामफोरबो जानो हागौ। बावैसो समनि मोनसे संदान्नायाव सोरांआव फैदोंदि गोबां संनि जायोब्ला देहानि बेराम होबथाना गोहो (इम्युनिटि) या लोरबां जालाङो।

भारतीयफोरनि जानाय आदारा सडियामजों आबु आरो संख्रिखौ बाडाइ जायोब्ला सन्देरग्रा नडै बेरामफोरनि थाखाय गुन गोनां जायो। गोबां संख्रि जायोब्ला समजों लोगोसे किडनीनि जेंनानि जाहोन जाहैयो। गोबां संख्रि जायोब्ला हाइपार टेन्सना बाङो।थै रोदाफोराव जेंना सोमजि होनो हागौ, जायजों थै आरो अक्सिजेननि रानसारनाया बाङाइ जानो हागौ।

संदानगिरि क्रिश्वियान कुटार्सआ बुंदों, गावसोर बेखौ फोरमान मोनबायदि गोबां संनि जाबाय थायोब्ला इम्युनिटि सिस्टेमनि गोनांथार बाहागोआ लोरबां जायो। संदान्नायाव सडियाम क्लराइडखौ सुबुंनि देहा सोलेरनि इम्युनिटि सिस्टेमआव गाज्रि गोहोम मोन्दों आरो रैखाथि होगा गोहोखौ बाङाइ मोन्दों। रैखाथि होगा जिबख्रिफोरा बेक्टेरियाजों जुजिनायाव लोरबां जादों। डाब्लिउ एइचअनि बुनाय बादिब्ला, सासे बैसो गोरा सुबुआ सानसेयाव 5 ग्रामनि बांसिन संनि जानो नाङ ।

मुलुगनाडैनि संदानगिरिफोर आरो नेमखान्थि बानायगिरिफोरा देहा सोलेरनि थै रानसारनाय हाबाखौ मोजाडै लाखिनो थाखाय संख्रिखौ बाङाइ जानो बुंदों। मानोना गोबां संनि जाबाय थानाया गाज्रि हुदायै जिउ खूनाय आरो जिंगा सिनायफोरखौ सामलायनो हानाया गोब्राब। आमेरिकानि हार्ट एससिएसननि बुनाय बादिब्ला, साफ्रोमबो सुबुंआ सानसेयाव 2,300 मिलिग्राम संनि जानांगौ । बे बिबांआ संख्रि ज्रोम एबा बांसिनै संख्रि जाग्रा सुबुंफोरनि थाखाय। फार्सेथिं सानफ्रोमबोनि संनि जानायनि थि जखाया 1,500 मिलिग्रामनि बांसिन जानाङ। नाथाय जो बे बाथ्राखौ गनायालासे गोबां संख्रि जायो आरो हाइ ब्लाड प्रेसारजों भुगिनांगौ जायो।

Share with your friends!

Related Posts

सजना (ड्रमस्टिक्स) आ देहाजों लोगोसे आथोनारिनि थाखायबो मुलाम्फा गोनां

सजना (ड्रमस्टिक्स) आ देहाजों लोगोसे आथोनारिनि थाखायबो मुलाम्फा गोनां

गुसु बोथोराव मुला बिलाइ जानाया आयुर्वेदिक मुलि बायदि मुलाम्फा गोनां

गुसु बोथोराव मुला बिलाइ जानाया आयुर्वेदिक मुलि बायदि मुलाम्फा गोनां

मैखुनआ गुफुं देहाखौ फिसा खालामनायजों लोगोसे इमिउनिटिखौबो गोख्रों खालामो

मैखुनआ गुफुं देहाखौ फिसा खालामनायजों लोगोसे इमिउनिटिखौबो गोख्रों खालामो

बादामआ देहानि थाखाय मुलाम्फा गोनां

बादामआ देहानि थाखाय मुलाम्फा गोनां

Published by

Bodosa


Bodosa is a Daily Newspaper, printed in Bodo language.

Leave Your Comment Here