गोदान दिल्ली, 25 आगस्ट: भारत सरकारनि गेलेमु बिफाननि मन्थ्रि किरेन रिजिजुआ समबारखालि जवाहरलाल नेहरु स्टेडियामआव दावबायहैयो आरो दावबायनाय समाव स्टेडियामनि लुफुंनाय खामानिनि बागै खौरां लायो। गेलेमु मन्थ्रिआ बुङोदि, इयुननि थाखाय थार गेलेनायखौ नायनो हास्थायदों आरो गेलेनायखौ जागायजेनफिन्नायनि फार्से सुबुंफोरा नेनानै दङ।
कभिड-19 नि जाहोनआव हादरआव गासै गेलेमुनि बादायलायनायफोरा थांनाय मार्चनि गेजेर समनिफ्रायनो बन्द जानानै दङ। बे सोलिफु आगस्ट दाननिफ्रायनो साइनि गोबां सेन्टारफोराव जेरै हकी, बक्सिं, एथलेटिक्स आरो गुबुन गेलेमुनि नेसनेल ट्रेइनिं केम्पआ जागायजेन्दों ।
मन्थ्रि रिजिजुआ स्टेडियामनि लुफुंनाय खामानिखौ नायगिदिनायनि गावनि मोनसे सावगारिखौ शेयार खालामनानै बुङोदि, गेलेगिरिफोरखौ फोथाराव गेलेहोफिन्नाय आरो गेलेनायखौ लाबोफिन्नो थांखि लानाया बेफोर गासैबो गोख्रों गाइडलाइन्सनि गेजेरजोंसो जागोन । मन्थ्रिआ बुंबावोदि, हादतआव सोलिबाय थानाय करना भाइरासनि थासारियावबो गेलेनायखौ लाबोफिन्नो थांखि लानाय आरो थियारि जानाया गेलेगिरिफोरनि मोजां खाबु होन्नानै फोरमायदों।
