• Home
  • /
  • National
  • /
  • गाहाय मन्थ्रि मदिआ ‘मन की बात’आव मोन 6 गोनांथार आयदाफोरखौ बुंथिदों

August 31, 2020

गाहाय मन्थ्रि मदिआ ‘मन की बात’आव मोन 6 गोनांथार आयदाफोरखौ बुंथिदों

गोदान दिल्ली, 30 आगस्टः हादतनि गाहाय मन्थ्रि नरेन्द्र मदिआ रबिबारखालि मन की बात रेडिय' हाबाफारिनि गेजेरजों मोन 6 गोनांथार आयदाफोरखौ बुंथिदों। गाहाय मन्थ्रिआ हादतयाव दारिमिनफोरखौ बारायहोनायनि थांखि आरो आबहावा सरैखाथि खालामनायनि फार्सेबो गोनांथार होदों। उदांस्रिनि मिथिसारजानाय जोहोलावफोरखौ रायखांनाय आरो बाथ्रा बुङोब्ला करना भाइरासनि साग्लोबनाय समाव फोरोंगिरिफोरनि गोनांथार बाथ्राखौबो बुंथियो।

गाहाय मन्थ्रि मदिआ भारतनि जोलै सैमाफोरखौबो फिसिनायनि फार्से गोनांथार होदों। मदिआ बुङोदि, इन्डियान काउन्सिल अफ एग्रिकाल्सार रिसार्चआ भारतनि जोलै सैमाफोरनि सायाव संदानगासिनो दं। गाहाय मन्थ्रि मदिआ बुंबावोदि, बार आरो आबहावाजों गोनांथार सोमोन्दो दं। गाहाय मन्थ्रिनि बादिब्ला जों जोबोद खाथिनिफ्राय नोजोर होयोब्ला नुनो मोनगोनदि, आरो मोनसे बाथ्रायाव गोसो।

बे मोन्ननि गेजेराव जोबोद खाथि सोमोन्दो दं। मोनसेया गुबुन मोनसेखौ नागारनो हायैबायदि सोमोन्दो दं होन्नानै गाहाय मन्थ्रिआ साफ्रोमखौबो बार आरो आबहावा रैखाथिनि थाखाय बिबान लानांगौ होन्नानै फोसावयो। गाहाय मन्थ्रि मदिआ हादतयाव गथ'फोरनि गेलेग्रा मुवा-बेसादफोरनि फालांगिखौ बांसिन खालामनायनि गोसो होनाय बाथ्राखौ रायखांनानै बुझेदि, मुलुगनि गेजेराव गथ'फोरनि फुथुला बानायग्रा इन्डास्ट्रिया 7 लाख कौटि रांनिख्रुइबो बांसिन जादों।

Mon Ki Baat

7 लाख कौटि रांनि एसेबां गिदिर फालांगि, नाथाय भारतया बे बिथिङाव जोबोद खम बाहागो लादों। बेबायदि समाव हादतनि स्टार्टआफ मिन्ट्र आरो गोदान जाखांफनाय लाइमोनफोरा गथ'फोरनि गेलेग्रा बेसाद बानायनाय बिथिङाव खामानिखौ सिगां फार्से लानानै थांनायनि गोनांथि दं। गाहाय मन्थ्रि मदिआ गावनि बिबुंथियाव मिथिहोबावदोंदि, हादतयाव गुन गोनां आदार दिहुन्थायनि फार्सेबो सुबुंफोरखौ जांख्रिखांनायनि बिबान लानो फोसावदों।

गाहाय मन्थ्रिआ बुङोदि, भारत सरकारआ निउट्रिसन एबा गुन गोनां आदार दिहुन्थायनि फार्से गोसो होनानै फैगौ सेप्तेम्बर दाननि गेजेराव पसन दान महरै फालिनाय जागोन, जेराव बेनि गेजेरजों फरायसालियाव थाखो फोरोंथाय होनायाव रिपर्ट कार्ड दिहुन्नो हायो। बेबायदिनो निउट्रिसन कार्डखौबो जागायजेन्नो थांगासिनो दं।

बेनिखायनो गाहाय मन्थ्रिआ गावनि बिबुंथिनि गेजेरजों निउट्रिसन बानायनायाव सुबुंफोरखौ जांख्रिखांनो फोसावयो। गुबुन फार्सेथिं दुलाराय हादतनि गेजेरावनो कभिड-19 नि जाहोनाव फोसावनाय लकडाउनयाव फरायसालिफोरा बन्द थानायखौ रायखांनानै गाहाय मन्थ्रआ गोनांथारै बुंनाय बादिब्ला फैगौ 5 सेप्तेम्बरखालि फोरोंगिरि सानखौ फालिनाय फार्से गोदान आदबजों फालिनायनि थांखि लादों। गाहाय मन्थ्रिआ बुङोदि, जेरैबायदि हादतयाव गोदान माहारियारि सोलोंथाय नितीनि गेजेरजों मोनसे गेदेर सोलायनाय लाबोनो थांगासिनो दं, जोंनि फोरोंगिरिफोरा बे गोदान नितीनि गेजेरजों खाबु मोन्नायजों लोगोसे फरायसाफोरनिसिमबो बे खाबुखौ लांनांगौ होन्नानै फोसावयो।

मन की बातआव गाहाय मन्थ्रि मदिआ फरायसाफोरखौ हादतनि उदांस्रिनि जोहोलावफोरखौ गोसोखांहोनायनि फार्से फोसावनानै बुङोदि, फैगौ 2022 माइथायाव जोंनि भारत हादतया उदांस्रिनि 75 बोसोराव आगान होसिगोन । बे बोसोरखौ जारिमिनारि समजों फालिनायनि गेजेराव गासै फरायसालिनि फरायसाफोरा उदांनिनि सा 75 जोहोलाव गेदेमा सुबुंफोरनि मुङव खन्थाइ, सल'माफोरखौ लिरनांगोन । लोगोसे उदांनिनि 75 बोसोराव बिसोरखौ गोसोखांनानै मान बाउनांगोन होन्नानै गाहाय मन्थ्रिआ दिनैनि मन की बातनि गेजेरजों फोसावयो।

Share with your friends!

Related Posts

न’खर न’खर हादरारि फिरफिला बिरहोनाय थांखिजों 24BN SSB नि गोलाव हान्जा सुरनाय ।

न’खर न’खर हादरारि फिरफिला बिरहोनाय थांखिजों 24BN SSB नि गोलाव हान्जा सुरनाय ।

रांखान्थि मन्थ्रिआ मैया मिरुनि बाजेटखौ थिसन्दों

रांखान्थि मन्थ्रिआ मैया मिरुनि बाजेटखौ थिसन्दों

बि टि आरनि सिङाव ओन्सोल सोसनायनि थाखाय आर’जलाइ गथायनायनि समखौ फोलावबाय

बि टि आरनि सिङाव ओन्सोल सोसनायनि थाखाय आर’जलाइ गथायनायनि समखौ फोलावबाय

हादतनि गोबां राइज्योफोराव बार्ड फ्लुआ गिथावनायै गोसारदों

हादतनि गोबां राइज्योफोराव बार्ड फ्लुआ गिथावनायै गोसारदों

Published by

Bodosa


Bodosa is a Daily Newspaper, printed in Bodo language.

Leave Your Comment Here