Bodosa Newspaper

April 24, 2024

गसाइगाव महकुमा फोरमायथाय आरो सुबुं फोनांजाब मावख’ आव गिबि खेबनि थाखाय “हादोत सिबिनाय सान” फालिदों

गसाइगाव महखुम्मा फोरमायथाय आरो सुबुं फोनांजाब मावख’गिरि मावख’नि बानजायनायाव हादोत सिबिथाय सान फालिदों। बे सानखौ हादोत सिबिसुला रुंसारि तरुनराम फुकननि गोसोखांथि सान महरै गिबि खेबनि थाखाय राज्यो नाङैनो “हादोत सिबिथाय सान” महरै फालिजेन्दों।

तरुनराम फुकनआ आसामनि मादाव सासे मुंदांखा हादोर अनफावरि सासे सिबिसुला गोसोनि गियानि जोहोलावमोन। बिथाङा 1877 मायथायनि 22 जानुवारी खालि जोनोम जादोंमोन आरो 1939 मायथाइनि 28 जानुवारी दिनखालि 62 बोसोर बैसोआव रुंसारि जालांदोंमोन।

बे हाबाफारिया कक्राझार जिल्लानि गसाइगाव महकुमानि महहकुमा फोरमायथि आरो सुबुं फोनांजाब बिफाननि मावख’आव कभिदनि नेम-खान्थिखौ मानिनायनि गेजेरजों खुंफुंलाङो। बे हाबाफारिखौ गसाइगाव प्रेस क्लाबनि बोसोनगिरि संकर चौधुरिनि सामब्लायनायाव खुंफुंनाय जायो। बे हाबाफारियाव गसाइगाव महकुमा फोरमायथाइ आरो सुबुं फोनांजाब बिफाननि मावख’गिरि बिग्राय बसुमतारी,  लोगोसे आलासि महरै गसाइगाव महखुम्मा लेङाई बेंगिरि रसिहुल आलम, गसाइगाव आसाम साहित्य सभानि आफादगिरि फनिन्द्र’ नाथ दास, गसाइगाव प्रेस क्लाबनि आफादगिरि हाफिजूर रहमान आरो गाहाय नेहाथारि उथफल दे मोनजों गुबुन गोबां दैदेनगिरि-सोद्रोमाफोराबो बाहागो लादोंमोन।

Share with your friends!

Leave a Comment