• Home
  • /
  • Sports
  • /
  • खेल रत्नआ आंनि गेलेनायखौ साबसिन खालामनो बिबान होबावदों: मनिका बात्रा

August 23, 2020

खेल रत्नआ आंनि गेलेनायखौ साबसिन खालामनो बिबान होबावदों: मनिका बात्रा

गोदान दिल्ली, 22 आगस्ट: भारतनि सेथि आइजो टेबोल टेनिस गेलेगिरि मनिका बात्राया बे बोसोरनि हादातनि गुबुन मोनसे देरसिन गेलेमु बान्था खेल रत्ननि थाखाय सायख'जाबाय। खेल रत्न बान्थाखौ आजावनो हागोननि खुसिजों गेलेगिरि मनिका बात्राया बुङोदि, राजिब गान्धी खेल रत्न बान्थाया आंनि गेलेनायखौ साबसिन आरो गोख्रोंसिन खालामनो उफ्रा बिबान होबावदों।

बे बान्थानि गेजेरजों आं आंनि गेलेनायखौ फैगौ समाव गोख्रोंसिन नाजालांगोन होन्नानै गेलेगिरिया बुंथियो। मनिका बात्राया बुंबावोदि, बे बोसोरनि राजिब गान्धी खेल रत्न बान्थानि थाखाय सायख'जानाया आंनि जोबोद मान सन्माननि गोग्गाथावना बाथ्रा।

बेनिखायनो सिगाङाव आं इसोरनिसिम फोथायनाय लानानै फिन खेबसेबाव गेलेमु बिफान, साइ, भारतीय तेल निगम, आंनि बान्जायग्रा, भारतीय टेबोल टेनिस आफाद आरो पुणेयाव थानाय ट्रेनिं सेन्टारखौ साबायखर जासियो होन्नानै गेलेगिरिया बुंबावो।

मख'नो गोनांदि, मनिका बात्राया थांनाय 2018 नि कमनवेल्ट गेम्सआव सनानि मेडेल देरहानो हानायनि अनगायैबो एसियान गेम्सआवबो ब्रन्जनि मेडेलखौबो देरहानो हाबोदोंमोन।

मनिका बात्राया हादतनि जानानै गुबुन गुबुन मुलुगनां थाखोनि टेबोल टेनिस बादायलायनायफोराव बाहागो लाबोनाय भारतनि गुबुन सासे गोख्रों आइजो गेलेगिरि महरै मिथिसार जादों। रायखांनो गोनां बहाथ्राया बेनोदि, बे सोलिफु बोसोरनि राजिब गान्धी खेल रत्न बान्थायाव मनिका बात्राजों लोगोसे भारतनि क्रिकेट हान्जानि लेङाइ केप्टेन रहित शर्मा, रेस्टलार बिनेस पगात, भारतनि आइजो हकि हान्जानि केप्टेन रानि राम्पाल, पेरा एटेलिटिक गेलेगिरि मरियप्पन तेंगावेल मोनखौ सायख'नाय जादों।

 लोगोसे बे माननि बान्थाखौ सोलिफु आगस्ट दाननि फैगौ हादतयारि गेलेमु सान 29 आगस्ट सानखालि राष्ट्रपती भवनआव हादतगिरि रामनाथ कबिन्दआ सायख'जानाय गेलेगिरिफोरनो फारियै गथायनाय जागोन। लोगोसे मिरु सरकारा बे बोसोरनि राजिब गान्धी खेल रत्न बान्थानि रांखौ बारायनानै 25 लाख रां खालामनाय जादों।
Share with your friends!

Related Posts

बर’ फिसा अमब्रिका नार्जारीआ हादरारि थाखोनि एथलेटिक्स बादायलायनायाव सिल्भार मेडेल देरहादों ।

बर’ फिसा अमब्रिका नार्जारीआ हादरारि थाखोनि एथलेटिक्स बादायलायनायाव सिल्भार मेडेल देरहादों ।

आसाम इयुथ अलिम्पिक 2022 आव तामुलपुरनि गेलेगिरिफोरा मोननै सना आरो मोननै रुफानि मेडेल दारहासारदों

आसाम इयुथ अलिम्पिक 2022 आव तामुलपुरनि गेलेगिरिफोरा मोननै सना आरो मोननै रुफानि मेडेल दारहासारदों

रनाल्डनि गलआ बेकार: सिरि-एआव भेरोनाया जुभेन्टासजों ड्र लाखियो, प्रिमियार लीगआव मेनसिटिआ लान्थ्रियैनो 20 थि मेच देरहादों

रनाल्डनि गलआ बेकार: सिरि-एआव भेरोनाया जुभेन्टासजों ड्र लाखियो, प्रिमियार लीगआव मेनसिटिआ लान्थ्रियैनो 20 थि मेच देरहादों

आगु वर्ल्ड सेम्पियनखौ फेजेन्नानै रेसलिंआव सना मेडेल देरहाबाय भिनेश फगातआ

आगु वर्ल्ड सेम्पियनखौ फेजेन्नानै रेसलिंआव सना मेडेल देरहाबाय भिनेश फगातआ

Published by

Bodosa


Bodosa is a Daily Newspaper, printed in Bodo language.

Leave Your Comment Here