• Home
  • /
  • Education
  • /
  • केन्द्रीय आरो नबदया फरायसालिफोरा खुलिफिन्नो थाग थियारिसै

October 20, 2020

केन्द्रीय आरो नबदया फरायसालिफोरा खुलिफिन्नो थाग थियारिसै

गोदान दिल्ली, 20 अक्ट'बर: गिख्रंथाव कभिड-19 साग्लोबनायनि जाहोनाव दुलाराइ मुलुगजों लोगोसे भारत हादतयावबो थांनाय 7 दाननिफ्राय बन्द' जानानै थाबोदों गासै फरायसालि फरायसालिमा आरो सोलोंथाय फसंथानफोरा । नाथाय करना भाइरासनि दौहोआ जोबस्लाबै समनि गेजेरावनो भारतयाव फरायसालि आरो सोलोंथाय फसंथानफोरा खुलिफिन्नो थांखि लाबाय सरकारा। बे हिसाबै फरायसालि आरो सोलोंथाय फसंथानफोरखौ बेखेवफिन्नायनि थाखाय दासान्दि थागथियारि खालामनाया गोख्रोङै सोलिगासिनो। उत्तर प्रदेश, पान्जाब, हिमाचल प्रदेश आरो सिक्किम बायदि राइज्योफोराव समबारखालि फरायसालिफोरखौ खुलिफिनबाय। बुब्लियावनो केन्द्रिय बिद्यालय आरो नब'दया बिद्यालय बायदि सोलोंथाय फसंथानफोराबो हादतनि गेजेराव थानाय गावसिनि फरायसालिफोरखौ बेखेवफिन्नो थाखाय साखा-फारा जादों।

School Reopening KVs-JNVs on November-2

बबेखानि बेफोर फरायसालिफोरखौ फैगौ 2 नभेम्बरनिफ्राय बेखेवफिन्नो थाखाय साखा-फारा जादों। सोलिफु समाव दुलाराइ हादतनाङै खमैबो 1250 केन्द्रिय बिद्यालय आरो गं 650 नब'दय बिद्यालयफोर दं। बे फरायसालिफोराव खमैबो 15 लाख फरायसुलि फरायसुलाफोरा फरायो। फरायसालि बेखेवफिन्नायनि थाखाय मिरु सोलोंथाय आफादआ फरायसा आरो सोलोंथाय फसंथान खुंथायफोरनो माखासे गोख्रों गाइडलाइनफोर होखानाय जादों। गाइडलाइन बायदियै फरायसाफोरा फरायसालियाव थांनाय समावनो मास्क गान्नाय आरो समाजयारि जान्थायखौ मानिनानै सोलिनांगोन। लोगोसे लान्स आरो दै बथलजों लोगोसे सेनिटाइजार लांफानायाबो गोनां जागोन। फरायसाफोरखौ थार्मेल स्क्रेनिं आरो गनायथि फोरमान बिलाइ मोन्नायनि उनावसो फरायसालि सिङाव हाबनो होगोन। मिरु सरकारा गाइडलाइन आरो बिथोनथि होनाय बायदियै दासान्दि दुलाराइ हादतनाङैनो गासै राइज्योफोराव फरायसालि आरो सोलोंथाय फसंथानफोरखौ खुलिफिन्नो थाखाय थागथियारि खालामनाया गोख्रोङै सोलिगासिनो।

Share with your friends!

Related Posts

क’क्राझार सोरखारि फरायसालिमायाव ईशान चन्द्र मोसाहारी फोथायफुनजि बेनि सेथि गोसोखां बिबुंसार हाबाफारि खुंदों

क’क्राझार सोरखारि फरायसालिमायाव ईशान चन्द्र मोसाहारी फोथायफुनजि बेनि सेथि गोसोखां बिबुंसार हाबाफारि खुंदों

तामुलपुर फरायसालिमायाव 36थि गोदान फरायसा बरायनाय हाबाफारि खुंदों ।

तामुलपुर फरायसालिमायाव 36थि गोदान फरायसा बरायनाय हाबाफारि खुंदों ।

हादतआव थांनाय माखासे दाननि उनाव फरायसालिफोरा खुलिफिनबाय

हादतआव थांनाय माखासे दाननि उनाव फरायसालिफोरा खुलिफिनबाय

फरायनायाव जोबोद लोरबांब्लाबो नीट आन्जादआव टप सारिआव उथ्रिनानै जाफुसारनाय मोन्नो हादों

फरायनायाव जोबोद लोरबांब्लाबो नीट आन्जादआव टप सारिआव उथ्रिनानै जाफुसारनाय मोन्नो हादों

Published by

Bodosa


Bodosa is a Daily Newspaper, printed in Bodo language.

Leave Your Comment Here