• Home
  • /
  • Regional
  • /
  • काजिरडा नेसनेल पार्कआव मुलुगनां गान्दा सान फालिदों

September 23, 2020

काजिरडा नेसनेल पार्कआव मुलुगनां गान्दा सान फालिदों

गुवाहाटी, 23 सेप्तेम्बर: गुबुन गुबुन बोसोरफोराव फालिबोनाय बायदिनो 22 सेप्तेम्बरखालि मुलुगनां गान्दा सानखौ मिरुयै काजिरङा नेसनेल पार्कआव फालिदों। काजिरङा नेसनेल पार्कनि बिबानगिरिफोरा मेहेर गोनां हाबाफारिनि गेजेरजों बे मुलुगनां गान्दा सानखौ फालिनाय जायो आरो बे सानखालि हाग्रामायाव थानाय जिब-जुनातफोरनि मोनसे गोसोखांथिजों गुबुन गुबुन हाबाफारि लानानै खुंनाय जायो।

मख'नो गोनांदि, काजिरङा नेसनेल पार्कआव थांनाय समनि दै लोमसावनायनि जाहोनाव बिमानिफ्राय गावस्राना थालांनाय थासारियाव बोखांनो हानाय मा 7 गान्दा फिसाफोरनि थासारिया मोजाङाव फैबाय। थांनाय बोसोरनि दै लोमसावनायाव मा 5 गान्दा फिसा आरो बे सोलिफु बोसोराव मा 2 गान्दा फिसाखौ बोखांनो हादोंमोन हाग्रा बिफानजों लोगोसे काजिरङनि जिब-जुनात अनफावरि आरो रैखाथि हान्जाया। दै बानानि समाव बिमानिफ्राय गावस्रानानै थालांनाय गान्दा फिसाफोरखौ बोखांनानै आरो गान्दा फिसाफोरखौ जिउ होनायनि थाखाय फसंथान मिरुयाव फाहामथायनि राहा खालामना होनाय जादोंमोन। बेनिनो मा 6 गान्दानि बैसोया 2 खावसे बोसोर आरो गुबुन मासेया बोसोरसेनि गाहायाव जागौमोन होन्नानै मिथिहोदों ।

World Rhino-Day

दासान्दि बेफोर गान्दा फिसाखौ फसंथान मिरुयाव लाखिनानै फेदेरनो हानायजों काजिरङा नेसनेल पार्कआव हगारनायनि थांखि लादोंब्लाबो गान्दा फिसानि सायाव फाहामथाय होनाया सोलिबाय थागोन। काजिरङा नेसनेल पार्कआव 22 सेप्तेम्बरखालि मुलुगनां गान्दा साननि हाबाफारियाव बोखांनो हानाय आरो फिन फसंथाननो हानाय गान्दा फिसाफोरनि सायाव फाहामगिरिया बुङोदि, गान्दाजों लोगोसे गुबुन जिब-जुनातफोरखौ रैखाथि होनायनि फारसे हाग्रा ओन्सोलखौ फोजोबस्रांनायनि हेंथायै गोनां राहा लानांगौ मानोना फैलाव आरो गुवार हाग्रा ओन्सोलानो बिसोरनि थानाय-जानायनि गबै जायगा।

Share with your friends!

Related Posts

आसामाव जेब्लासिम BJP सोरखार थागोन अब्लासिम फिसा फिसा हारि हारिसाफोरनि मोन्थायफोरा जोबस्रांलांगोन : कास्तम बसुमतारि

आसामाव जेब्लासिम BJP सोरखार थागोन अब्लासिम फिसा फिसा हारि हारिसाफोरनि मोन्थायफोरा जोबस्रांलांगोन : कास्तम बसुमतारि

संका बानदो, जामफैनि दैखौ बानदो थेनानै दै दिखांनो हायैजों जिंगा सिनांदों माखासे आबादारिफोरा

संका बानदो, जामफैनि दैखौ बानदो थेनानै दै दिखांनो हायैजों जिंगा सिनांदों माखासे आबादारिफोरा

11 मेनिफ्राय मेट्रिक आन्जादखौ खुंनो फोसावबाय

11 मेनिफ्राय मेट्रिक आन्जादखौ खुंनो फोसावबाय

तिवा गावखुंथाय गौथमनि गाहाय मावफुंगिरि महरै जिबन चन्द्र कुवँरआ समायखिरा लाबाय

तिवा गावखुंथाय गौथमनि गाहाय मावफुंगिरि महरै जिबन चन्द्र कुवँरआ समायखिरा लाबाय

Published by

Bodosa


Bodosa is a Daily Newspaper, printed in Bodo language.

Leave Your Comment Here