• Home
  • /
  • International
  • /
  • कमला हेरिसआ आमेरिकानि सुबुंफोरनो साबायख’र बाउदों

November 9, 2020

कमला हेरिसआ आमेरिकानि सुबुंफोरनो साबायख’र बाउदों

गोदान दिल्ली, 9 नभेम्बर: आमेरिकानि बिसायख'थियाव देरहानायनि उनाव गोदानै सायख'जानाय लेङाइ हादतगिरि कमला हेरिसआ आमेरिकानि सुबुंफोरनो साबायखर बावहरनानै बुङोदि, जोंनाव साबसिन इयुन दानायनि गोहोया फैबाय जोंनि सायाव फोथायनाय लाखिनायनि थाखाय गासै आमेरिकानि सुबुंफोरनो साबायखर बावहरबाय। लोगोसे बिथाङ पार्टिनि मावसुमाफोर आरो फोसावदिं हाबाफारिजों लोब्बा गोनां समाज सिबियारिफोरनोबो साबायखर बावहरनानै बुङोदि, एसेबां गोबां सुबुंफोरजों सरजाबनायनि थाखाय फोसावनायाव नांथाबनाय लोगोफोर आरो समाज सिबियारिफोरनिसिम साबायखर बावहरबाय।

Kalama Harish, New Vice President of America

मानोना बेनि सिगां माब्लाबाबो एसेबां सुबुंफोरा सरजाबफेराखैमोन । बेनि सोमोन्दै कमला हेरिसआ बुङोदि, जोंनि सुबुंतन्त्रनि रैखाथिनि थाखाय जिउ बावसोमनो दाबि देखाङो। नाथाय बेयावबो मोनसे गोजोन्नाय आरो रंजानायखौ नुहरो, मानोना जोंनियाव दा मोनसे साबसिन इयुनखौ दानायनि गोहो दसै। अदेबानि कमलाआ बुंबावदोंदि, बै आइजोफोरनो साबायखर बावहरो जायनि जाहोनाव जों दिनै बेसिम सौफैदों। आंनि बिमा श्यामला गपालन हेरिसआ 19 बोसोर बैसोयावनो भारतनिफ्राय बेयाव फैदोंमोन।

Share with your friends!

Related Posts

चीननि ब्रह्मपुत्र दैमा सायाव बान्दो बानायनायजों भारतनि जिंगा सिनाया बांदों

चीननि ब्रह्मपुत्र दैमा सायाव बान्दो बानायनायजों भारतनि जिंगा सिनाया बांदों

बे बोसोराव औरैबादि गुसु जानो हागौ, जाय सिगांनि गोजाम रेकर्डफोरखौ सिफायगोन

बे बोसोराव औरैबादि गुसु जानो हागौ, जाय सिगांनि गोजाम रेकर्डफोरखौ सिफायगोन

अलास्कानि ग्लेसियारआ गोबां आवलिदों, बेनि हाया गिसिखायोब्ला सुनामी जानो हागौ

अलास्कानि ग्लेसियारआ गोबां आवलिदों, बेनि हाया गिसिखायोब्ला सुनामी जानो हागौ

बे सहरयाव 60 सान खोमसि जागोन

बे सहरयाव 60 सान खोमसि जागोन

Published by

Bodosa


Bodosa is a Daily Newspaper, printed in Bodo language.

Leave Your Comment Here