कक्राझार जिल्ला खुंथाया 74 थि उदास्त्रि सान फालिनो साखा-फारा कक्राझार

कक्राझार जिल्ला खुंथाया 74 थि उदास्त्रि सान फालिनो साखा-फारा कक्राझार, 14 आगस्ट: कभिड-19 नि गेजेरावबो सरकारि बिथोन बादियै कक्राझार जिल्ला खुंथाया शनिबारखालि 74 थि हादरनि उदांनि सान फालिनायखौ लानानै खालामनो गोनां साखा-फाराखौ फोजोब्बाय। जिल्ला खुंथाया कक्राझार सरकारि एइसएस एन्ड एमभि फरायसालिनि गोजोर गेलेग्रा फोथाराव थेलेब-लेब हाबाफारिनि गेजेरजों उदांनि सानखौ फालिगोन। अदेबानि जिल्लानि सिङाव थानाय गसाइगाव आरो पर्बतझरा महकुमायाबो समाजयारि जान्थायखौ मानिनानै उदांनि सान फालिनो साखा-फारा जादों। जिल्लानां थाखोयाव खुंजानो गोनां हाबाफारिआव गासै मोन 5 मार्स पास दोलोफोरा बाहागो लानायनि बाथ्रा। रैखाथिखौ नोजोर होनानै फालिजानो गोनां थावनिआव गोनों सिसिटिभि केमेरा फोनांजाबनायनि राहा खालामदों। उदांत्रि सानआव जाहाथे थासारिआ गाज्रि जाया एबा जेंना नुजाथिया बेनि थाखाय पुलिस खुंथाया गासैबो रोखोमनि साखा-फारा खालामनाय बाथ्राखौ फोरमायदों एसपि राकेश रसनआ।