कक्राझार, 11 सेप्तेम्बरः दासान्दि आसामनाङैनो गिख्रंथाव कभिड-19नि गोसारनाय एबा सन्देरनाया गोख्रों सोलिबाय थानाय समनि गेजेरावनो कक्राझार जिल्लायाव करना भायरासजों गाग्लोब जानानै बृहस्पतिबारखालि गुबुन सानै सुबुंनि जिउ खहा जाबावयो।
जिउ खहा जानाय सुबुंफोरखौ जिल्लानि सिङाव थानाय सेसापानि मागुरमारिनि थागिबि 43 बोसोर बैसोननि राजु कुमार बसुमतारी आरो थिनथिला सालकचानि 35 बोसोर बैसोनि आब्दुल जाजिल होननानै सिनायथिनाय जादों।
राजु कुमार बसुमतारीखौ बुधबारखालि करना पजितिभ मोननायनि उनाव हम आइसलेसननि थाखाय दैथाय हरदोंमोन। बसुमतारीआ रेलवे बिफाननि सासे मावसोमामोन। कक्राझार जिल्लायाव कभिड19जों थैनाय सुबुंनि बिसाना दासिम सा 18 सिम जाहैबाय।
एरैहाय गोदानै सा 69 सुबुंनि देहायाव करना पजितिभ मोननो हानायजों लोगोसे दासिम सन्देरजानाय सुबुंनि बिसाना सा 2460 सिम जाहैबाय।
