Bodosa Newspaper

April 24, 2024

कक्राझारावबो नेसनेल प्रेस डे फालिदों

कक्राझार, 16 नभेम्बरः हादोरनाङै माहारियारी प्रेस सान (नेसनेल प्रेस दे)खौ फालिनाय बादिनो कक्राझार जिल्लानि सिङाव थानाय कक्राझार प्रेस क्लाब आरो कक्राझार जिल्ला खुंथायजों जुथायै बानजायनायाव सानसेनि हाबाफारिजों माहारियारी प्रेस सानखौ फालिनाय जायो। बे फालिथायनि जागायजेननाय हाबाफारि बादियै कक्राझार प्रेस क्लाबनि फिरफिलाखौ बिरहोयो कक्राझार प्रेस क्लाबनि आफादगिरि प्रितम ब्रह्म चौधुरीआ बिनि उनाव मुंख्लंफोरनो बिबार बावजेनो गाहाइ नेहाथारी हरिशंकर ठाकुरआ।

National Press Day Observed at Kokrajhar

हाबाफारि बादियै बे फालिथायाव कक्राझार जिल्लानि जिल्ला बेंगिरि भास्कर फुकनआ गाहाय आलासि महरै बाहागो लानानै बेसेन गोसा बिबुंथि लाखियो आरो कक्राझार एन एइस एमनि डि पि एम उत्तम ब्रह्मआ थांखिजानाय बुंथिगिरि महरै बाहागो लानानै ”खौरां बिजोंनि सायाव कभिद-19 गोहोम आरो बे समाव खौरां बिजोंनि बिहोमा” आयदाखौ लानानै सावरायजों लोगोसे बेसेन गोसा बोसोन आरो कभिड 19खौ लानानै माखासे सांग्रांथि आरो गावबा-गाव लानो गोनां बिबाननि बागै बेसेन गोसा बिबुंथि लाखियो। हाबाफारि जोबथारनायाव कक्राझार प्रेस क्लाबनि सोद्रोमाफोरनो खौरां बुथुमनानै राइजो राजाफोर आरो खुंथायनो होनाय बिहोमानि थाखाय जिल्ला बेंगिरिआ गांफा गांफा थुलुंगाखां फोरमान बिलाइखौ गावनि आखाइजों राननानै होयो। दिनैनि बे माहारियारी प्रेस दे फालिनाय हाबाफारियाव बाहागो लादोंमोन बि टि सिनि पि आर अ समेश्वर बसुमतारी, कक्राझार जिल्लानि जिल्ला फोरमायथाय आरो सुबुं फोनांजाब मावख’गिरि त्रिदप नन्दन बरा आरो प्रेस क्लाबनि सोद्रोमाफोरा।

Share with your friends!

Leave a Comment