गोदान दिल्ली, 12 सेप्तेम्बर: मिरु समाजयारि न्याय आरो मोन्थायनि राइज्यो मन्थ्रि रामदास आठवालेआ फावखुंग्रि कंगना रनौतखौ बिनि न'आव थांनानै लोगो हमदों। आठवालेआ कंगनानो रैखाथि होनायनि बाथ्रा बुंनानै बियो राजखान्थियाव फैनो सानोब्ला बिजेपि आरो आरपिआइआ बिखौ बरायगोन होन्नानैबो बुंदों।
कंगनाखौ लोगो हमखांनायनि उनाव आठवालेआ फोरमायदोंदि, कंगनाया रोखायै बुंदों बियो राजखान्थियाव फैनो गोसो गैया आरो आथिखालावबो बियो सावथुनआवनो हाबा मावगासिनो दं। गाव कंगनाखौ बुंदों, बियो गिनो नाङा। मुम्बाइआ बयनिबो। कंगनाजों गावसोरनि पार्टिआ अराय दंफायो। बेयाव कंगनाया फोरमायदोंदि, बिनि अफिस सिङाव बुफाय-बुसि खालामदों, सियार-टेबलफोरजों लोगोसे गोबां खहा जादों।
