• Home
  • /
  • Regional
  • /
  • एबसुआ आसाम सरकारनि गोदानै थिसनजानाय सिफ सेक्रेटारी जिष्णु बरुवाखौ बरायदों

November 1, 2020

एबसुआ आसाम सरकारनि गोदानै थिसनजानाय सिफ सेक्रेटारी जिष्णु बरुवाखौ बरायदों

कक्राझार, 1 नभेम्बरः आसाम सरकारनि सिगांनि सिफ सेक्रेटारी कुमार सन्जय कृष्णानि बिबान समा शनिबारखालि थुंगेलांबाय। बिथांनि जायगायाव जिष्णु बरुवाखौ राइज्यो सरकारनि गोदान सिफ सेक्रेटारी महरै थिसनबाय आरो जिष्णु बरुवाआ गावनि बिबानखौ रुजुनबाय। एरैहाय दुलाराय बर' फरायसा आफादनि आफादगिरि दिपेन बर'नि दैदेननायाव एबसुनि मोनसे थान्दै हान्जाया गोदानै थिसनजानाय सिफ सेक्रेटारी जिष्णु बरुवाखौ दिसपुराव थानाय जनता भवनाव लोगो हमहैनानै बरायो।

A delegation team of ABSU alongwith President Dipen Boro welcomes newly appointed chief Secretary of Assam Sri Jishnu Barua

लोगोसे बोहैथि बोसोर 2020नि थांनाय 27 जानुवारीखालि जालांनाय बि टि आर गोरोबथानि दफाफोरखौ मावफुंनायाव हेफाजाब होनो खावलायनायजों लोगोसे फैबाय थानाय सानफोराव गोरोबथानि दफाफोरखौ थाबैनो आरो गेबेङैमावफुंनाय आयदानि सायाव गुवारै सावरायलायनाय जायो। बेनि अनगायैबो एबसुनि थान्दै हान्जाया आसामनि नखर आरो राजखान्थि बिफाननि कमिसनार आरो सेक्रेटारी जे डि त्रिपाथिखौबो जनता भवनाव लोगो हमनानै बि टि आर गोरोबथानि दफा बादियै बाउन्डारि कमिसनखौ मावफुंनायनि सायाव गुवारै सावरायनायजों लोगोसे गांसे गोसोखां बिलाइ गथायो। बरायनाय बे हाबाफारियाव दिपेन बर'जों लोगोसे मिरु एबसुनिफ्राय बोसोनगिरि खुंख्रा स्वर्गियारी, सुबुं फोनांजाब नेहाथारी बिरदाव बर' आरो गेलेमु नेहाथारी गनेश बसुमतारीआबो दंफायोमोन।

Share with your friends!

Related Posts

आसामनि मादावनो मुंदांखा जानो हानाय बगामाति लावखार ओंखाम जाग्रा थावनिखौ दिनै सोरखारि भाबै बेखेवनानै होबाय। 

आसामनि मादावनो मुंदांखा जानो हानाय बगामाति लावखार ओंखाम जाग्रा थावनिखौ दिनै सोरखारि भाबै बेखेवनानै होबाय। 

Ex Volunteers ग्रुबा All Bodo Ex Volunteer Force Organization मुं होना दिनै मिरु आफादखौ गोदानै दाफुंबाय।

Ex Volunteers ग्रुबा All Bodo Ex Volunteer Force Organization मुं होना दिनै मिरु आफादखौ गोदानै दाफुंबाय।

क’क्राझार सोरखारि फरायसालिमायाव ईशान चन्द्र मोसाहारी फोथायफुनजि बेनि सेथि गोसोखां बिबुंसार हाबाफारि खुंदों

क’क्राझार सोरखारि फरायसालिमायाव ईशान चन्द्र मोसाहारी फोथायफुनजि बेनि सेथि गोसोखां बिबुंसार हाबाफारि खुंदों

Grand Assam 2022 आव Ushna Basumatary आ Grand Miss Assam  Eminent 2022 बिमुंखौ मोननो हादों ।

Grand Assam 2022 आव Ushna Basumatary आ Grand Miss Assam  Eminent 2022 बिमुंखौ मोननो हादों ।

Published by

Bodosa


Bodosa is a Daily Newspaper, printed in Bodo language.

Leave Your Comment Here