• Home
  • /
  • National
  • /
  • एनबिएइचएमनि गेजेरजों नोंथांनि डाटाया रैखाथि थागोन (साफ्रोमबो नोगोरारिफोरा उदां मोनगोन देहा सिनायथिलाइः सरकार)

August 27, 2020

एनबिएइचएमनि गेजेरजों नोंथांनि डाटाया रैखाथि थागोन (साफ्रोमबो नोगोरारिफोरा उदां मोनगोन देहा सिनायथिलाइः सरकार)

गोदान दिल्ली, 26 आगस्ट: भारत सरकारा बुंदोंदि, नेसनेल डिजिटेल हेल्ट मिसन सुंदयै एनडिएइचएमनि गेजेरजों सुबुंफोरखौ खौसेथियै देहानि सोमोन्दोयाव थानाय खौरांफोरखौ मिथिहोनाय आरो सांग्रांथि होनायनि थाखाय मोनसे रैखाथि गोनां राहाखौ दिहुनगोन। बेनि थाखाय सरकारा मोनसे आबु प्रस्टापखौबो आजावना लादों।

गाहाय मन्थ्रि नरेन्द्र मदिआ बे सोलिफु बोसोरनि थांनाय उदांस्रि साननि हाबाफारियाव गावनि बिबुंथिनि गेजेरजों एनडिएइचएमखौ फोसावनाय जादोंमोन। बे बिथांखिनि गेजेरजों हादतनि साफ्रोमबो नोगोरारिफोरनि आखायाव मोनसे जरखा कार्ड होनाय जागोन। जेराव बिसोरनि देहाजों सोमोन्दो थानाय गासैबो खेंफोरथियानो रैखाथियै थागोन।

Modi

आयुष्मान भारत, प्रधान मन्थ्रि जन आरग्या यजनानि मावफुनायनि थाखाय बिबान मोन्नाय नेसनेल हेल्टआ सुबुंफोरनि थाखाय देहा नोजोरथि नितिखौबो फोसावनाय जाबाय। एनएसएखौ एनडिएइचएमनि आबुं महर होनो थियारि जानाय आरो बेखौ मावफुनायनि थाखाय बिबान होनाय बायदियै मिसननि थाखाय सायख'जानाय साफ्रोमबो सुबुंफोरनो मोनसे देहा सिनायथिलाइखौ उदां होनाय जागोन आरो बिसोरनि डाटाया रैखाथि गोनाङै थागोन। सुबुंफोरनि हेफाजाबजों बिसोरनि गावआरि डाटाया एक्टिभ जागोन।

दासान्दि नेसनेल डिजिटेल हेल्ड मिसननि सरकारि वेबसाइटआव थिसन्नानै आरो बेयाव सुबुंफोरनिफ्राय फैगौ 3 सेप्तेम्बरसिम थार बाथ्राखौ बिनाय जादों। एनडिएइचएमआ हादतनि सिङाव थानाय राइज्यो आरो मिरु खुंथाय ओन्सोलफोरनिसिम देहा सिबिथाय होगा मिरुफोरखौ थि समावनो फालिनो थाखाय बिथोन होनाय जादों। एनएइचएनि गाहाय मावफु बिबानगिरि इन्दु भुषनआ बुडोदि, देहा नोजोरथि होगा नितिया सुबुंफोरनि देहायारि सोमोन्दोयाव सिनायथिनाय डाटाखौ रैखाथि गोनाडै लाखिगोन।

Share with your friends!

Related Posts

न’खर न’खर हादरारि फिरफिला बिरहोनाय थांखिजों 24BN SSB नि गोलाव हान्जा सुरनाय ।

न’खर न’खर हादरारि फिरफिला बिरहोनाय थांखिजों 24BN SSB नि गोलाव हान्जा सुरनाय ।

रांखान्थि मन्थ्रिआ मैया मिरुनि बाजेटखौ थिसन्दों

रांखान्थि मन्थ्रिआ मैया मिरुनि बाजेटखौ थिसन्दों

बि टि आरनि सिङाव ओन्सोल सोसनायनि थाखाय आर’जलाइ गथायनायनि समखौ फोलावबाय

बि टि आरनि सिङाव ओन्सोल सोसनायनि थाखाय आर’जलाइ गथायनायनि समखौ फोलावबाय

हादतनि गोबां राइज्योफोराव बार्ड फ्लुआ गिथावनायै गोसारदों

हादतनि गोबां राइज्योफोराव बार्ड फ्लुआ गिथावनायै गोसारदों

Published by

Bodosa


Bodosa is a Daily Newspaper, printed in Bodo language.

Leave Your Comment Here