• Home
  • /
  • International
  • /
  • एनआइएया पाकिस्तानखौ फान्दायनो नाजादों : पाकनि गुबुन हादतयारि मावख’

August 28, 2020

एनआइएया पाकिस्तानखौ फान्दायनो नाजादों : पाकनि गुबुन हादतयारि मावख’

गोदान दिल्ली, 27 आगस्ट: पाकिस्ताननि जेंना गोनां आखुआ फिन खनसेबाव सोरांआव फैदों। थांनाय बोसोराव पुलवामायाव जानाय उतखारि हामलायाव एनआइएनि गेजेरजों चार्जसिट थिसन्नायनि उनाव पाकनि उसु-खुथुआ बांदों। पाकआ चार्जसिटखौ गोरोन्थि होन्ना बुंनो नाजादों। एनआइएया पुलवामा हामलानि रहस्यखौ सुस्रानानै मंगलबारआव बिजितसालियाव अजदलाइ थिसन्दोंमोन।

पाकिस्ताननि गुबुन हादतयारि मावख'निफ्राय फोसावनाय मोनसे फिनआव बुंदोंदि, एनआइएया पुलवामा हामलायाव पाकिस्तानखौ फान्दायनो नाजादों। बेनि अनगायै गावखौनो दाय गैयै एबा गोथार होन्ना फोरमायनो नाजानानै पाकिस्ताना उल्थायै एनआइएनि चार्जसिटखौबो बिजेपि आरो हादतनि सिंनि राजखान्थिजों सरजाबनो नाजादों।

मख'जाथावदि, थांनाय बोसोरावबो पाकआ पुलवामा हामलाखौ लकसभा बिसायखथिजों सरजाबनो नाजादोंमोन। नाथाय रावबो हादतआ बेनि बाथ्राखौ फोथायाखैमोन । गुबुन फार्सेथिं कंग्रेसनि दैदेनगिरि अभिषेक मनु सिंघबीआ बुंदों, पुलवामा उतखारि हामलानि सायाव एनआइएनि थिसन्नाय अजदलाइखौ सांग्रांथियै थियारि खालामदों, जाय पाकिस्तानखौ बेंखनगोन। बेनि थाखाय बियो एनआइएनो हामलायथि हरदों।

सिंघबीया टुइट खालामना बुंदोंदि, एनआइएनि अजदलाइयाव कलफोर, बेंक जमा आरो सावगारिफोरजों लोगोसे गुबुन आरोबाव गुवार खेंफोरथि दं, जाय मामलाखौ गोख्रों बानायनायाव मदत खालामो। बियो नायबिजिरग्रा एजेन्सिनाव आर'ज गाबदोंदि, बिसोर दायनिगिरिफोरखौ साजा मोन होनो। कंग्रेसनि दैदेनगिरिया बुंबावदोंदि, माखासे लोरबां नायबिजिरनायफोरनि थाखाय जों पुलिस आरो रैखाथि एजेन्सिफोरखौ सावरायनायनि मोनथाय दं, नाथाय मोजां रोखोमै मावनाय हाबानि थाखाय बाख्नायनोबो नांगौ।

 मख'जाथावदि, एनआइएया पुलवामा मामलायाव मंगलबाराव 13,800 बिलाइनि अजदलाइ थिसन्दों जेराव सा 19 सुबुंफोरखौ दायनिगिरि मख'नाय जादों।
Share with your friends!

Related Posts

चीननि ब्रह्मपुत्र दैमा सायाव बान्दो बानायनायजों भारतनि जिंगा सिनाया बांदों

चीननि ब्रह्मपुत्र दैमा सायाव बान्दो बानायनायजों भारतनि जिंगा सिनाया बांदों

बे बोसोराव औरैबादि गुसु जानो हागौ, जाय सिगांनि गोजाम रेकर्डफोरखौ सिफायगोन

बे बोसोराव औरैबादि गुसु जानो हागौ, जाय सिगांनि गोजाम रेकर्डफोरखौ सिफायगोन

अलास्कानि ग्लेसियारआ गोबां आवलिदों, बेनि हाया गिसिखायोब्ला सुनामी जानो हागौ

अलास्कानि ग्लेसियारआ गोबां आवलिदों, बेनि हाया गिसिखायोब्ला सुनामी जानो हागौ

बे सहरयाव 60 सान खोमसि जागोन

बे सहरयाव 60 सान खोमसि जागोन

Published by

Bodosa


Bodosa is a Daily Newspaper, printed in Bodo language.

Leave Your Comment Here