उदालगुरि, 14 सेप्तेम्बरः उदालगुरि जिल्लानि सिङाव थानाय डिमाकुसि हालामनि बारग एन डि एफ बि पिनि सोद्रोमाफोरा एन डि एफ बिनि 32 थि मुंख्लं सान फालिदों। हारि रैखाथि आरो बर हारिखौ गेरेमसा हारि दाफुंनायनि थाखाय सोमावसारनानै गावसोरनि बेसेन गोसा जिउखौ बावसोमनानै बर जोलोहाव आरो जोहोलावजोफोरखौ गोसोखांनानै दिनै मुंख्लं सानाव बिबारजों मान बाउवो।
डिमाकुसि हालामनि साफ्रोम एन डि एफ बि पिनि बारग मावथि सोद्रोमाफोरा मुंख्लं जोहोलाव आरो जोहोलावजोफोरखौ जेब्लायबो गोसोखांगोन आरो मान बावगोन होननायजों लोगोसे जायफोर बिथांमोनहा हारिनि थाखाय सोमावसारनानै दासान्दि जोबथेसालियाव जोबजानानै दङ बिथांमोननिसिमबो मान बाववो होननानै फोरमायो।
लोगोसे थांनाय 27 जानुवारीखालि जालांनाय बि टि आर गोरोबथायाव एन डि एफ बिनि मुंख्लं जोलोलावफोरनि बिहोमा दङ आरो बे बि टि आर गोरोबथानि दफाफोरखौ आबुङै मावफुंनायखौ हास्थायो होननानै डिमाकुसि हालामनि बारग एन डि एफ बि सोद्रोमाफोरा फोरमायो।
दिनैनि बे मुंख्लं सान फालिनाय हाबाफारियाव एन डि एफ बि पिनि बारग लेङाइ नेहाथारी, भेरगाव बियाबनि इउ पि पि एलनि बिजाथि दावबायसा बर, मोनसे समनि दुलाराय बर फरायसा आफादनि गाहाय नेहाथारी नेरखां खाख्लारीजों लोगोसे डिमाकुसि हालामनि बारग एन डि एफ बि सोद्रोमाफोर आरो मुंख्लं जानाय नखरनि सोद्रोमाफोराबो बाहागो लादोंमोन।
