गोदान दिल्ली, 28 आगस्ट: भारत-पाकिस्तान सिमायाव गुदि बिथाखौ जौगाखां होनायनि खामानिया गोख्रोङै सोलिगासिनो, जाहाथे सिमायाव हाबफैखुमानाय आरो उतखारिनि सेलेन्सफोरजों साबसिनै जुजिनो हायो। बेनि गेजेरजों माछिल सेक्टरआव 24 घन्टा मोब्लिब साफ्लायनि खामानिया जागायबाय।
मख'जाथावदि, हादतआव उदांनि जानायनि 73 बोसोर उनावसो माछिलनि गासैबो गामिफोरा 24 घन्टा मोब्लिब मोन्नो नागिरदों। माछिल सेक्टरआ कुपवाड़ा जिल्लानि सिङाव गोग्लैयो आरो केरननि उनाव 24 घन्टा मोब्लिब मोन्नो हानाय जिल्लानि नैथि ओन्सोल जाबाय। आथिखालाव माछिल सेक्टरनि गं 9 गामिफोरा सिमा गोनां समनि थाखाय मोब्लिब मोनगासिनो, नाथाय सरकारा गासैबो गामिफोरनो 24 घन्टा मोब्लिब हरनो थांखि लाबाय।
बे 24 घन्टा मोब्लिब जगायना होनायनि खामानिया से दाननिख्नुइबो खमसिन समआवनो फुरा जागोन। बे गामिफोरनो डिजेल जेनेरेटर सेटनि गेजेरजोंसो मोब्लिब जगायना होनाय जागासिनोमोन। आथिखालाव बिसोरो पावार ग्रिडनि गेजेरजों मोब्लिब मोनसिगोन । सरकारनि बे थांखिजों रोजा रोजा सुबुंफोरा मुलाम्फा मोनगोन। माछिलआ हादतनि साहा थाराव थानाय जेंना गोनां हा सा बाहागो। बेयाव मोब्लिबनि खुन्थिया गायनाया गोब्राब खामानि। अदेबानि सरकारा बेनि थाखाय राहा लादोंदि, जाहाथे गोनांथार गुदि बिथाया जौगाखाङो आरो सुबुंफोरनो मोब्लिब जगायना होनो हायो। कुपवाड़ानि जिल्ला कालेक्टर अशुल गार्गनि बादिब्ला, माछिल सेक्टराव 24 घन्टा मोब्लिब मोनोब्ला सा 25,000 सुबुंफोरा मुलाम्फा मोनगोन।
मोब्लिब बिफाननि गाहाय सेक्रेटारि रहित कन्सलआबो बे मोब्लिब जगायनायनि सायाव टुइट खालामदों । माछिलआ कुपवाड़ा जिल्ला मावख'नि 65 किल 'मिटार गोजानाव दं। एलअसिजों नांजाबना थानाय बेयाव अराय गुलि गावलायनाय जायो आरो हाबफै खुमानायनि जेंनाबो दं। बेयाव 24 घन्टा मोब्लिब थाङोब्ला बेयावनि सुबुंफोरनि थाखायल' नङा रैखाथिनि थाखायबो बेयो मख'जाथाव थांखि।
