• Home
  • /
  • International
  • /
  • इबानका ट्राम्पआ हेरिसनिख्रुइ साबसिन बिजाथिः डनाल्ड ट्राम्प

August 31, 2020

इबानका ट्राम्पआ हेरिसनिख्रुइ साबसिन बिजाथिः डनाल्ड ट्राम्प

वाशिंटन, 30 आगस्ट: आमेरिकानि हादरगिरि डनाल्ड ट्राम्पआ लेङाइ हादरगिरि मासिनि डेमक्रेटिक बिजाथि कमला हेरिसनि सायाव थांखिनानै गावनि फिसाजोखौ बिनिख्रुइ गुन गोनांसिन होन्नानै बुंदों। लोगोसे बियो गावनि फिसाजोखौ इयुननि साबसिन हादरगिरि जागोन होन्नानैबो बुङो।

ट्राम्पआ बुंबावदों गावनि बादिब्ला इबानका ट्राम्पआ आमेरिकानि गिबिसिन आइजो हादरगिरि जानांगौ। हेरिसआ गिबियाव हादरगिरि मासिनि थाखाय बादायदोंमोन। दानिया लेडाइ हादरगिरि मासिनि थाखाय बादायनो ओंखारदों। बियो बे मासिनि थाखाय गुन गैयै। 2024 नि बिसायख'थियाव हेरिसआ डेमक्रेटिक पार्टिनिफ्राय हादरगिरि मासिनि बिजाथि जागोन होन्नानै गाव साना। बियो आमेरिकानि हादरगिरिखौ आइजो जाजानो लुबैदों। बे मासिनि थाखाय गावनि फिसाजो आरो बोसोनगिरि इबानकाया मोजां बिजाथि।

Ivanka Trump-rnc-speech

सुबुंफोराबो इबानकाखौ मख'जाथाव मासिनि बिबान लाजानो लुबैबाय। रिपाब्लिकान पार्टिनि हादरगिरि बिजाथि जानायखौ गनायनायनि उनाव बेयो ट्राम्पनि गिबि रेलीमोन। बेयाव ट्राम्पआ बुंबावदों, डेमक्रेटिक पार्टिनि सुबुंफोरा खालि सिमांल' दिन्थियो, जाय सिमाङा आबु जानाय नङा । गावसोर फिन देरहासार जागोन आरो हादरखौ आवगायहोगोन। सोरखौबा गोजोनहोनो थाखाय आमेरिकाया गावनि हिटखौ नोजोर होयालासे थानाय नङा।

गुबुन फार्से, जइन्ट सिफ अफ स्टाफनि सियारमेन मार्क मिलीआ सानै डेमक्रेटिक एमपिफोरनि सोंथिनि लिरनानै फिन होनायाव बुंदों, हादरगिरि बिसायख थिनि हाबाफारियाव फोसावदिं आरो भट होनायनि दावराव-दावसिजों जुजिनायाव सान्थ्रिनि गोनांथि जाथावा। बिसायख'थिखौ लानानै गोबां जेंना सोमजियोब्ला आमेरिकानि बिजिरसालिफोर आरो आमेरिकानि संसदआ बेखौ सुस्रांगोन। बेयाव सान्थ्रिनि खामानि गैया बिहा राजखान्थियारि नङै आमेरिकान सान्थ्रिनि नेमखान्थिनि सायाव फोथायनाय दं।

Share with your friends!

Related Posts

चीननि ब्रह्मपुत्र दैमा सायाव बान्दो बानायनायजों भारतनि जिंगा सिनाया बांदों

चीननि ब्रह्मपुत्र दैमा सायाव बान्दो बानायनायजों भारतनि जिंगा सिनाया बांदों

बे बोसोराव औरैबादि गुसु जानो हागौ, जाय सिगांनि गोजाम रेकर्डफोरखौ सिफायगोन

बे बोसोराव औरैबादि गुसु जानो हागौ, जाय सिगांनि गोजाम रेकर्डफोरखौ सिफायगोन

अलास्कानि ग्लेसियारआ गोबां आवलिदों, बेनि हाया गिसिखायोब्ला सुनामी जानो हागौ

अलास्कानि ग्लेसियारआ गोबां आवलिदों, बेनि हाया गिसिखायोब्ला सुनामी जानो हागौ

बे सहरयाव 60 सान खोमसि जागोन

बे सहरयाव 60 सान खोमसि जागोन

Published by

Bodosa


Bodosa is a Daily Newspaper, printed in Bodo language.

Leave Your Comment Here