इउएस अपेनाव आं बाहागो लागोन

इउएस अपेनाव आं बाहागो लागोनः जकभिस बेलग्रेट, 14 आगस्टः सार्बियानि मुलुगनां रेंकिंनि सेथि हौवा टेनिस गेलेगिरि नभाक जकभिसआ फैगौ दाननिफ्राय जागायजेन्नो गोनां आमेरिका अपेन ग्रेन्ड-स्लेम टुर्नामेन्टआव बाहागो लागोननि बाथ्राखौ रोखा खालामदों । मख'नो गोनांदि, करना भाइरासनि गिथावनायै गोसारनाय थासारिखौ नोजोर होनानै मुलुगनि टेनिस गेलेगिरिफोरा गिसं-गासं गोसोजों फैगौ समनि इउएस अपेनाव बाहागो लानायनि फारसे गोनो-गोथो जानायनि गेजेरावनो मुलुगनां रेंकिंनि सेथि गेलेगिरि जकभिसआ गावनि बाहागो लागोनखौ रोखा खालामना होदों। टुइटारनि गेजेरजों सार्बियानि गेलेगिरिया बुंबावोदि, आं सीनसिनाति मास्टार्स आरो इउएस अपेनाव बाहागो लागोन। दासान्दि गिथावना थासारिनि गेजेरावबो खुंनो लानाय टेनिस टुर्नामेन्टआव आंनि बाहागो लानायनि थांखि लानाया आंनि थाखाय गोरलै नडा होन्नानै जकभिसआ फोरमायदों। मख'नो गोनांदि, फैगौ 31 आगस्टनिफ्राय इउएस अपेननि गेलेनाया सेप्तेम्बर दानसिम सोलिबाय थागोन । अदेबानि बे बोसोरनि इउएस अपेना अन्सायारिफोर गैयालासेनो गिबि खेब खुंजागोन । दासिम गोबां मुलुगनि गोखों गेलेगिरिफोरा करना भाइरासनि जाहोनाव इउएस अपेनाव बाहागो लाया होन्नानै फोसावनाय जादों।