• Home
  • /
  • Regional
  • /
  • आसाम राइफल्सआ नागालेण्डआव उतखारिनि गोहो-गोरा हाथियारफोर बोखांदों

August 26, 2020

आसाम राइफल्सआ नागालेण्डआव उतखारिनि गोहो-गोरा हाथियारफोर बोखांदों

कहिमा, 25 आगस्ट: नागालेण्डनि जुन्हिबट जिल्लायाव आसाम राइफल्सनि मोनसे हान्जाया अपारेसन खालामनानै उतखारिनि दोनखोमानाय गोबां गोहो गोरा हाथियारफोरखौ बोखांनो हादों। बे जाथायाव सान्थ्रि हान्जाया सासे हाथियार दैथायग्रा सुबुंखौ खादों। टुइटारनि गेजेरजों आसाम राइफल्स हान्जाया मिबथिहोनाय बादिब्ला, जुन्हिबट जिल्लायाव हरखाब अपारेसन खालामनानै गंसे एके-47 राइफलजों लोगोसे मोनथाम मेगजिन, गर 46 गोथां गुलि आरो गंसे एमके 3 राइफलजों लोगोसे मोनसे मेगजिन आरो गरथाम गोथां गुलिफोरखौ बोखांनो हादों।

 आसाम राइफल्सनि आइजिनि गाहाय मावख'नि सुलुङा फोरमायनाय बादिब्ला बे जाथायजों लोब्बा थानाय 44 बोसोर बैसोनि सासे हाथियार दैथायग्रा आगात एफ्ट मुंनि सुबुंखौ खानाय जादों। दासान्दि आसाम राइफल्सआ नागालेण्ड ओन्सोलाव थानाय गुबुन गुबुन उतखारिफोरनि हेंथायै अपारेसन खालामनायखौ सोलिहोबाय थादों आरो बेनि सिगां सानखालि आसाम राइफल्सआ मोनसे जुथाय संदान्नायाव गासै 1.39 कौटि रांनि गुबुन हादरनि सिगारेटखौबो टियाव दैमानिफ्राय बोखांनो हादों।
Share with your friends!

Related Posts

आसामाव जेब्लासिम BJP सोरखार थागोन अब्लासिम फिसा फिसा हारि हारिसाफोरनि मोन्थायफोरा जोबस्रांलांगोन : कास्तम बसुमतारि

आसामाव जेब्लासिम BJP सोरखार थागोन अब्लासिम फिसा फिसा हारि हारिसाफोरनि मोन्थायफोरा जोबस्रांलांगोन : कास्तम बसुमतारि

संका बानदो, जामफैनि दैखौ बानदो थेनानै दै दिखांनो हायैजों जिंगा सिनांदों माखासे आबादारिफोरा

संका बानदो, जामफैनि दैखौ बानदो थेनानै दै दिखांनो हायैजों जिंगा सिनांदों माखासे आबादारिफोरा

11 मेनिफ्राय मेट्रिक आन्जादखौ खुंनो फोसावबाय

11 मेनिफ्राय मेट्रिक आन्जादखौ खुंनो फोसावबाय

तिवा गावखुंथाय गौथमनि गाहाय मावफुंगिरि महरै जिबन चन्द्र कुवँरआ समायखिरा लाबाय

तिवा गावखुंथाय गौथमनि गाहाय मावफुंगिरि महरै जिबन चन्द्र कुवँरआ समायखिरा लाबाय

Published by

Bodosa


Bodosa is a Daily Newspaper, printed in Bodo language.

Leave Your Comment Here