• Home
  • /
  • Regional
  • /
  • आसाम मन्थ्रि केबिनेट मेलयाव माखासे गोनां थांखिफोर आजावदों

August 28, 2020

आसाम मन्थ्रि केबिनेट मेलयाव माखासे गोनां थांखिफोर आजावदों

गुवाहाटी, 27 आगस्टः गिबि मन्थ्रि सर्बानन्द सनवालनि मासि सामलायनानै दैदेन्नाय राइज्योनि केबिनेट मन्थ्रिफोरनि मोनसे जथुमायाव माखासे गोनां थांखिफोरखौ लानाय जादों होन्नानै सुलुंनिफ्राय मिथिनो मोन्दों। दिनै बृहस्पतिबारखालि गुवाहाटीनि जनता भवनआव खुंनाय जर'खा केबिनेट मन्थ्रिफोनि जथुमायाव सावरायनायनि गेजेरजों थांखि लानायनि बागै मन्थ्रि चन्द्रमहन पातवारिआ फोरमायनाय बादिब्ला बे मेलयाव मंगलदैयाव 100 बिघा हायाव 900 कौटि रां बाहायनानै स्किल इउनिभार्सिटि गायसन्नायनि थाखाय आसाम स्किल डेभेलपमेन्ट इउनिभार्सिटि बिलखौ गनायथि होयो।

Assam Cabinet Meeting Janata Bhavan

बे मेलनि गेजेरजोंनो राइज्यो सरकारनि III आरो IV ग्रेड साख्रिनि थाखाय बैसोनि सम सिमाखौ सिगांनि 38 निफ्राय 2 बोसोर बांहोनानै 40 बोसोरसिम खालामनो थांखि लानाय जायो। बेनि अनगायैबो मेलयाव आसाम हेरिटेस प्रटेक्सन आरो प्रेजार्भेसन बिलखौ गनायथि होयो। लोगोसे डिउटि होनाय समाव कभिड-19 जों सन्देरजानानै जिउ खहा जानाय गासै केजुयेल मावसुमा, हमगार्ड आरो खौरांगिरिफोरनो 50 लाख रांनि इन्सुरेन्स जगायथिनानै होनो थांखि लायो।

1957 माइथायाव जागायनाय लुफुंथाय धनसिरि दै जगाय बिथांखिखौ आबुं खालामनायनि थाखाय नाबार्डनिफ्राय 116 कौटि रां लानायनि थांखि दैखाङो। बेबायदिनो अरुनदय बिथांखिनि गेजेरजों बोसोराव 2 लाख रांनि खमसिन आरजिग्रा नख'रफोरनो 830 रांखान्थि अन्सुंथाय होनायनि सायावबो थि थांखि लानाय जायो।

Raj Bhavan Meet Of Assam Cabinet
 दिनैनि बे केबिनेट जथुमआव आसाम राइज्यो राजथावनि ओन्सोलनिफ्राय राभा हासं अट'मास काउन्सिल आरो तिवा अट'नमास काउन्सिलखौ बाइजोयाव दोन्नाय आयदानि सायावबो सावरायनाय जादों। दिनै बे केबिनेट मेलयाव गिबि मन्थ्रि सनवालखौ लाफानानै राइज्यो सरकारनि गासैबो मन्थ्रिफोरा बाहागो लाफादोंमोन।
Share with your friends!

Related Posts

आसामाव जेब्लासिम BJP सोरखार थागोन अब्लासिम फिसा फिसा हारि हारिसाफोरनि मोन्थायफोरा जोबस्रांलांगोन : कास्तम बसुमतारि

आसामाव जेब्लासिम BJP सोरखार थागोन अब्लासिम फिसा फिसा हारि हारिसाफोरनि मोन्थायफोरा जोबस्रांलांगोन : कास्तम बसुमतारि

संका बानदो, जामफैनि दैखौ बानदो थेनानै दै दिखांनो हायैजों जिंगा सिनांदों माखासे आबादारिफोरा

संका बानदो, जामफैनि दैखौ बानदो थेनानै दै दिखांनो हायैजों जिंगा सिनांदों माखासे आबादारिफोरा

11 मेनिफ्राय मेट्रिक आन्जादखौ खुंनो फोसावबाय

11 मेनिफ्राय मेट्रिक आन्जादखौ खुंनो फोसावबाय

तिवा गावखुंथाय गौथमनि गाहाय मावफुंगिरि महरै जिबन चन्द्र कुवँरआ समायखिरा लाबाय

तिवा गावखुंथाय गौथमनि गाहाय मावफुंगिरि महरै जिबन चन्द्र कुवँरआ समायखिरा लाबाय

Published by

Bodosa


Bodosa is a Daily Newspaper, printed in Bodo language.

Leave Your Comment Here