• Home
  • /
  • BTR
  • /
  • आसाम-बंग’ सिमायाव मैदेरनि उतखार

October 4, 2020

आसाम-बंग’ सिमायाव मैदेरनि उतखार

कचुगाव, 4 अक्ट'बर: कक्राझार जिल्लानि आसाम-बंग' सिमाजों नांजाबनाय ओन्सोलाव हाग्रानि मैदेरनि उतखाराव थागिबि सुबुंफोरनि गेजेराव गोजोन्नाय गैयै थासारि सोमजिदों। सुलुंनि बायदिब्ला जिल्लानि गसाइगाव महकुमानि सिङाव थानाय आसाम-सोनाब बंग'नि सिमा ओन्साल फाख्रिगुरि गामियाव थांनाय हराव 7-8 हाग्रानि मैदेर फालोआ आदार नागिरबोनायाव सुबुंफोर थानाय ओन्सोलाव हाबफैनानै गोबां आबाद थिलिफोरखौ ख'हा खालामदों। जायगानि राइजो-राजाफोरा मिथिहोनाय बायदिब्ला सोनाब बंग' बास्का हाग्रा ओन्सोलनिफ्राय सिमा ओन्सोलाव हाबफैनानै फाख्रिगुरि गामियाव थानाय गोबां आबाद थिलिखौ ख'हा खालामो।

Gossaigaon Mwider

फारसेथिं मैदेर फालोआ आसामनि आबादथिलियाव हाबफैनानै ख'हा खालामनायनि जाहोनाव सिमा ओन्सोलनि थागिबि राइजो-राजाफोरा जिंगासिनाय फोरमायदों। शनिबारखालि फुंनि समाव जायगानि राइजो-राजाफोरा मैदेर फालोखौ होनो थांनायनि थाखाय गोबां नाजादोंब्लाबो फेलें जायो। दासान्दि ओन्सोलनि आबाद फोथारखौ ख'हा खालामनायाव जायगानि राइजो-राजाफोरा बे जाथायनि सोमोन्दोयाव हाग्रा बिफाननो मिथिहोयो आरो मैदेर फालोखौ होनांहरनायनि फारसे गोनांथार राहा लानो थाखायबो खावलायो। गुबुन फारसेथिं बे जाथायखौ खौरां मोन्नानै कचुगाव हाग्रा संमन्दलनि मोनसे हान्जाया जाथायथिलियाव सहैदोंब्लाबो मैदेर फालोखौ होख्रांहरनो थाखाय गोबां नाजासेयावबो फेलें जानायखौसो नुनो मोन्दों। मख'नो गोनांदि, हाग्रा ओन्सोलफोराव आदारनि आंखाल नुजाथिनायनि जाहोनावनो जिब-जुनातफोरनि सुबुं थानाय ओन्सोलाव हाबफैनाया खेबले-खेबले नुजाथिनायनि जाहोनाव बोसोरफ्रोमबो सिमा ओन्सोलनि आबादजों सोमोन्दो थानाय आबादारिफोरा गाव-गावनि धोन-सम्पतिखौ ख'हा खालामनो गोनां जादों।

Share with your friends!

Related Posts

न’खर न’खर हादरारि फिरफिला बिरहोनाय थांखिजों 24BN SSB नि गोलाव हान्जा सुरनाय ।

न’खर न’खर हादरारि फिरफिला बिरहोनाय थांखिजों 24BN SSB नि गोलाव हान्जा सुरनाय ।

बाक्सा जिल्ला एबसुनि बोसोरसालिया जथुम्मा खुंफुंनो रायदाव आफादखौ दाफुंबाय

बाक्सा जिल्ला एबसुनि बोसोरसालिया जथुम्मा खुंफुंनो रायदाव आफादखौ दाफुंबाय

आसामाव जेब्लासिम BJP सोरखार थागोन अब्लासिम फिसा फिसा हारि हारिसाफोरनि मोन्थायफोरा जोबस्रांलांगोन : कास्तम बसुमतारि

आसामाव जेब्लासिम BJP सोरखार थागोन अब्लासिम फिसा फिसा हारि हारिसाफोरनि मोन्थायफोरा जोबस्रांलांगोन : कास्तम बसुमतारि

संका बानदो, जामफैनि दैखौ बानदो थेनानै दै दिखांनो हायैजों जिंगा सिनांदों माखासे आबादारिफोरा

संका बानदो, जामफैनि दैखौ बानदो थेनानै दै दिखांनो हायैजों जिंगा सिनांदों माखासे आबादारिफोरा

Published by

Bodosa


Bodosa is a Daily Newspaper, printed in Bodo language.

Leave Your Comment Here