Bodosa Newspaper

April 22, 2024

आसाम इयुथ अलिम्पिक 2022 आव तामुलपुरनि गेलेगिरिफोरा मोननै सना आरो मोननै रुफानि मेडेल दारहासारदों

गुवाहाटी,27 जुलाइ : आसाम इयुथ अलमपिकआव तामुलपुरसिम गोग्गानाय लाबोनो हादों।आसाम इयुथ अलिम्पिक 2022 आव तामुलपुरनि गेलेगिरिफोरा मोननै सना आरो मोननै रुफानि मेडेल दारहासारदों।

गुवाहाटीआव खुंजाबाय थानाय आसाम इयुथ अलिम्पिक 2022 आव तामुलपुर जिल्लानि जिल्ला गेलेमु आफादनिफ्राय बाहागो लाहैनाय गेलेगिरिफोरा मेडेल देरहानो हानानै जिल्लासिम गोग्गानाय लाबोनो हादों।

मखनो गोनांदि, हिनजावसाफोरनि ख’ ख’ आरो नेट बल बादायलायनायाव तामुलपुर जिल्ला गेलेमु आफादनिफ्राय बाहागो लानाय हान्जाया सनानि मेडेल देरहानो हादों। लोगोसे हौवासाफोरनि रागबि बादायलायनायाव तामुलपुरनि हान्जाया सिलभार मेडेल आरो हौवासाफोरनि 100 मिटार खारनाय बादायलायनायाव तामुलपुर जिल्लानिफ्राय बाहागो लानाय रुपम कुमारआ सिलभारनि मेडेल देरहासारनो हायो।

आसामनि गिबि खेब खुंजानाय इयुथ अलिम्पिकआव तामुलपुर जिल्ला गेलेमु आफादनि गेलेगिरिफोरा देहासारनानै मेडेल लाबोनो हानाया जिल्लानिसिम गोग्गानाय लाबोनो हादों।

Share with your friends!

Leave a Comment