• Home
  • /
  • Business
  • /
  • आसाम आरो सोनाब बंग सिमा ओनसोलाव थानाय संकस दैनि दालांयाव दिनै भारतीय’ सेनाया स्वरनिम बिजय दिवस फालिदों।

July 26, 2021

आसाम आरो सोनाब बंग सिमा ओनसोलाव थानाय संकस दैनि दालांयाव दिनै भारतीय’ सेनाया स्वरनिम बिजय दिवस फालिदों।

1971 मायथायाव पाकिस्तान हादरनिफ्राय सानजा पाकिस्तानआ आलादायै गावस्रानानै बांलादेश महरै आलादा हादर दानायाव भारत आरो पाकिस्तान नि गेजेराव गिलु बालु दावहा जादोंमोन आरो बे दावहायाव भारत हादरा देरहासात जानो हादोंमोन।

पाकिस्ताननिफ्राय बांलादेशखौ उदांस्रि खालामनायाव भारतीय सेनाआ थोजासे बिहोमा होदोंमोन आरो दावहायाव बारसोमदोंमोन आरो देरहासात जानो हादोंमोन। बे देरहासातनाय सान आ दिनै 50 बोसोर जाबाय बेखौ सोमोनदो लाखिनानैनो दिनै भारतीय सेना आ सरमिं बिजय मासाल दिवश फालिदों।

बे स्वरनिम बिजय मासा खौ थांनाय 2020 मायथाइनि दिसेमबर दानाव दिलीआव नरेद्र मदी बिथांआ जागायजेनदोंमोन। बेबायदि बे सरमिं बिजय मासालखौ सा सानजा भारतनि मेगालयनि तुरासिम जात्रा खालामनायाव दिनै आसाम आरो सोनाब बंगनि सिमा ओनसोलाव मोननाय लोगो लोगो गाजा गोमजा बरायदों। आसाम आरो सोनाब बंग सिमायाव थानाय संकस दैमानि दालांयाव दिनै 12 रिंगायाव मोनफैनाय लोगो लोगो दिनै भारतीय सेनाजों लोगोसे कक्राझार जिला बिफाना सोनाब बंग सेनानिफ्राय स्वरनिम बिजय मासालखौ आजावना लायो।

भारतीय सेनाफोरनि दामजुजों गाजा गोमजायै मासालखौ बरायो आरो सिमा ओनसोलाव रंजानाय फोरबोनि थासारि सोमजियो। भारतीय सेना 51 st नि बानजायनायाव सरमिं बिजय मासालखौ सा सानजा ओनसोल मेगालयनि तुरासिम जात्रा खालामनाय जागोन आरो बेनिफ्राय मेगालय हादरनि गुबुन गुबुन ओनसोलाव लांखांनायनि उनाव आसामनि गुवाहातीसिम फिन लाबोफिननाय जागोन ।

Swarnim Divas, Gossaigaon, Kokrajhar
Swarnim Divas, Gossaigaon, Kokrajhar

Share with your friends!

Related Posts

65 बोसोरनि बैसोनि लम्पद सुबुंआ उन्दै बैसोनि हिन्जावसाखौ जिनाहारि खालामदों

65 बोसोरनि बैसोनि लम्पद सुबुंआ उन्दै बैसोनि हिन्जावसाखौ जिनाहारि खालामदों

बक्सार लाभलिना बरगहाइआ क्वार्टार फाइनालाव सौहैबाय

बक्सार लाभलिना बरगहाइआ क्वार्टार फाइनालाव सौहैबाय

गसाइगावआव आयेन बेरेखायै लाबोनाय गासै मा 9 मोसौफोरखौ बोखांदों

गसाइगावआव आयेन बेरेखायै लाबोनाय गासै मा 9 मोसौफोरखौ बोखांदों

बाक्साआव आबादारिफोरा गोरान आबाद फोथाराव दै लांनो दैसायाव बान्दो थेदों।

बाक्साआव आबादारिफोरा गोरान आबाद फोथाराव दै लांनो दैसायाव बान्दो थेदों।

Published by

Bodosa


Bodosa is a Daily Newspaper, printed in Bodo language.

Leave Your Comment Here