आइजल, 2 नभेम्बर : मिज'रामनि लाइफस्टाइल बुंजानाय राजा-लामा 306 आ 5 थि सानावबो बन्द जाना थादों। बे राजा-लामाखौ आसामनिफ्राय होबथानाय जादों। बेनि गेजेराव दरनैबो राइज्योफोरनि सरकारफोरनि मन्थ्रिफोर आरो बिबानगिरिफोरा गावजों गाव दाय जाबसिन लायदों। मिरुआ आखाय होब्लाबो दरनैबो राइज्योफोरनि गेजेराव दावराव-दावसि जानाया जोबनानै थाङाखै। आसामनि काछार जिल्लानि कमिसनार कीर्ति जिल्लाया मिज'रामनि सिमना ओन्सोलनि खाथियाव थानाय फलासिब जिल्लानि कमिसनार एन्त लालथंगलियानानो लाइजाम लिरनानै आसामनि हा सा बाहागोनि सायाव दखल खालामनानै थानाय मिज'रामनि सुबुंफोरखौ बोखारना होनो बाथ्रा बुंदों। लाइजामाव लिरदोंदि, बिसोर सुबुंफोरा थाफैनायनि जाहोनाव ओन्सोल गोजोनआ जेंना गोनां थानो हागौ। लाइजामाव मिज'राम पुलिसनि जवानफोरखौ आसामनि कुलीशेरा ओन्सोलाव बांकर बानायनायनि खौरांबो होदों। जेराव मिज'रामनि गाहाय सेक्रेटारि लालनुनमाबियाआ आसामनि सेक्रेटारिनो लाइजाम लिरनानै बुंदों, मिरुनि नख'रारि सेक्रेटारिजों लोगोसे बार्चुएल जथुम खुंनायाव खोथा होब्लाबो राजा लामानो दासिमबो खुलिना होनाय जायाखै। बेबादि जाहोनाव मिज'रामनि नोगोरारिफोरा गोबां जेंनाजों मोगा-मोगि जानांदों। गोनांथि जानाय मुवा-बेसादफोरा खम जादों। मिज'रामनि गाहाय सेक्रेटारिया पेट्रलियाम मुवा, गेस आरो गुबुन गुबुन गोनांथि मुवा-बेसादनि गारिफोरखौ गोबाव खालामा लासे रैखाथियै दैथाय हरनो आर'ज गाबदों।
November 2, 2020
आसाम आरो मिज’रामनि गेजेराव जेंना सोमजिदों
Related Posts
Ex Volunteers ग्रुबा All Bodo Ex Volunteer Force Organization मुं होना दिनै मिरु आफादखौ गोदानै दाफुंबाय।
क’क्राझार सोरखारि फरायसालिमायाव ईशान चन्द्र मोसाहारी फोथायफुनजि बेनि सेथि गोसोखां बिबुंसार हाबाफारि खुंदों
Grand Assam 2022 आव Ushna Basumatary आ Grand Miss Assam Eminent 2022 बिमुंखौ मोननो हादों ।
Published by
Leave Your Comment Here