• Home
  • /
  • Regional
  • /
  • आसामयाव 15 सेप्तेम्बरनिफ्राय हायार सेकेन्डारि नैथि बोसोर आरो डिग्रिनि 3 थि बोसोरनि थाखो फोरोंथाया जागायसिगोन

August 30, 2020

आसामयाव 15 सेप्तेम्बरनिफ्राय हायार सेकेन्डारि नैथि बोसोर आरो डिग्रिनि 3 थि बोसोरनि थाखो फोरोंथाया जागायसिगोन

 (75% बांसिन नम्बर मोन्नो हानाय फरायसाफोरनो 20 रोजा अन्सुथाय)

गुवाहाटी, 29 आगस्ट: थांनाय मार्च दाननिफ्रायनो बन्द जानानै थाबोनाय आसामनि फरायसालि-फरायसालिमा आरो गासो सोलोंथाय फसंथानफोरखौ बेखेवफिन्नायनि सायाव थागथियारि खालामगासिनो राइज्यो सरकारआ। दिनै आसामनि सोलोंथाय मन्थ्रि ङ हिमन्त बिश्व शर्माआ मोनसे खौरागिरि मेलनि गेजेरजों राइज्योनि सोलोंथाय आयदानि सायाव माखासे गोनांथार बाथ्रा फोसावदों।

मन्थ्रि शर्माआ फोसावनाय बादिब्ला सेप्तेम्बर दाननि गेजेर सम थानहिनबा 15 अक्टनिफ्राय राइज्योनि सरासन्ना थामहिनबा इनफर्मेल सोलोंथायनि राहाखौ जागायनाय जागोन। दिनै बेलासि समाव जनता भवनआव खूनाय खौरांगिरि मेलनि गेजेरजों बिथाङा बुंबावोदि, फोरोंगिरिफोरनि कभिड-19 टेस्ट खालामजानायनि सम सिमाखौ 15 सेप्तेम्बरसिम फोलावनाय जागोन।

15 सेप्तेम्बरसिमाव गासै फरायसालिफोरखौ सेनिटाइस खालामनांगोन। जायफोर फोरोंगिरिफोरा कभिड टेस्ट खालामजानानै बिसोरनि रिपर्टआ नेगिटिभ ओंखारगोन बिसोरो 1 सेप्तेम्बरनिफ्राय फरायसालिफोराव नुजाथिहैनो हागोन। 15 सेप्तेम्बरनिफ्राय आन्जादनि फरा फारिबादियै 15 साननि थाखाय सरासन्नायै फोरोंथायनि राहाखौ जागायगोन। फैगौ 15 सेप्तेम्बरनिफ्राय हायार सेकेन्डारिनि नैथि बोसोर आरो डिग्रिनि थामथि सेमिस्टारनि थाखाय 4-5 ग्रुप बाहागो खालामनानै सरासन्तायै फोरोंथाय होनायनि राहाखौ जागायदों।

क्वारेइन्टेन आरो कभिड केयार सेन्टार हिसाबै बाहायजानाय सोलोंथाय फसंथानफोरनि फोरोंगिरिफोरा फरायसालियाव थांनो नाङ। जुदि जिल्ला सोलोथाय मावख'गिरिया बिथोन होयोब्ला फोरोंगिरिफोरा फरायसालिफोराव नुजाहैनो हागोन। बेजों लोगोसेनो मन्थ्रि शर्माआ खौरांगिरि मेलयाव राइज्योनि गुन गोनां फरायसुला-फरायसुलिफोरनि थाखाय मोनसे गोजोनथाव खौरांखौ फोसावनानै होयो।

2020 इं माइथायनि मेट्रिक आन्जादयाव 75 जौखोन्दोनि बांसिन नम्बर मोन्नो हानाय फरायसुलाफरायसुलिफोरनो साफायाव 20 रोजा रां अन्सुंथायखौ राइज्यो सरकारनिफ्राय होगोन होन्नानै मन्थ्रि शर्माआ फोसावबावदों। 75 जौखोन्दोनि बांसिन नम्बर मोन्नो हानाय सा 16,944 फरायसाफोरनि आबुं बेंक एकाउन्टफोरखौ बुथुमबाय होन्नानैबो मिथिहोबावयो। फरायसाफोरा 12 एबा 13 सेप्तेम्बराव बे रांखान्थि अन्सुथायखौ मोन्नो हागोन।

Share with your friends!

Related Posts

आसामाव जेब्लासिम BJP सोरखार थागोन अब्लासिम फिसा फिसा हारि हारिसाफोरनि मोन्थायफोरा जोबस्रांलांगोन : कास्तम बसुमतारि

आसामाव जेब्लासिम BJP सोरखार थागोन अब्लासिम फिसा फिसा हारि हारिसाफोरनि मोन्थायफोरा जोबस्रांलांगोन : कास्तम बसुमतारि

संका बानदो, जामफैनि दैखौ बानदो थेनानै दै दिखांनो हायैजों जिंगा सिनांदों माखासे आबादारिफोरा

संका बानदो, जामफैनि दैखौ बानदो थेनानै दै दिखांनो हायैजों जिंगा सिनांदों माखासे आबादारिफोरा

11 मेनिफ्राय मेट्रिक आन्जादखौ खुंनो फोसावबाय

11 मेनिफ्राय मेट्रिक आन्जादखौ खुंनो फोसावबाय

तिवा गावखुंथाय गौथमनि गाहाय मावफुंगिरि महरै जिबन चन्द्र कुवँरआ समायखिरा लाबाय

तिवा गावखुंथाय गौथमनि गाहाय मावफुंगिरि महरै जिबन चन्द्र कुवँरआ समायखिरा लाबाय

Published by

Bodosa


Bodosa is a Daily Newspaper, printed in Bodo language.

Leave Your Comment Here