• Home
  • /
  • International
  • /
  • आमेरिकाया अरायबो भारतनि फोथायजाथाव लोगो महरै थागोन : हवाइट हाउस

August 21, 2020

आमेरिकाया अरायबो भारतनि फोथायजाथाव लोगो महरै थागोन : हवाइट हाउस

वासिंटन, 20 आगस्ट : हवाइट हाउसआ बुंदोंदि, आमेरिकाया अराय भारतनि सुबुंफोरनि फोथाय-जाथाव लोगो महरै थागोन। हवाइट हाउसनि माहारियारि रैखाथि परिषदआ भारतनि 74 थि उदांनि साननि खाबुआव टुइट खालामदों, जों भारतयाव थानाय जोंनि आंगो लोगोफोरनो गाहाम हामब्लाइथि बावहरो। परिषदनि टुइटखौ सिनेट जन कर्निनआ रिटुइट खालामदों। बियो सिनेट इन्डिया ककासनि लेडाइ आफादगिरि। मख'जाथावदि, 31 आगस्टनिफ्राय 3 सेप्तेम्बरसिम इउ एस इन्डिया स्ट्रेटेजिक एन्ड पार्टनारसिप फराम सम्मेलनखौ खुंनो लादों। बेयाव आमेरिकानि लेडाइ हादतगिरि माइक पेन्स आरो भारतनि गुबुन हादतयारि मन्थ्रि एस जयशंकरा डिजिटेलनि गेजेरजों खुंनाय सम्मेलनाव भारत आरो आमेरिकानि सोमोन्दोनि सायाव जरखा बिबुंथि होगोन । बे सम्मेलनाव दरनै हादतनि गेजेरनि रांखान्थि आरो सोलोआरि खान्थिनि हेफाजाब होज्लायनायखौ बांहोनायनि सायाव सावरायगोन । इउ एस  आइ एस ए पि एफनि आफादगिरि मुकेश आगीया मंगलबाराव बुंदोंमोनदि, बे सम्मेलननि थाखाय लेङाइ हादतगिरि पेन्सआ गावसोरजों सोमोन्दो लानायजों गावसोर मान गोनां मोन्दों आरो खुसि मोन्दों।

Share with your friends!

Related Posts

चीननि ब्रह्मपुत्र दैमा सायाव बान्दो बानायनायजों भारतनि जिंगा सिनाया बांदों

चीननि ब्रह्मपुत्र दैमा सायाव बान्दो बानायनायजों भारतनि जिंगा सिनाया बांदों

बे बोसोराव औरैबादि गुसु जानो हागौ, जाय सिगांनि गोजाम रेकर्डफोरखौ सिफायगोन

बे बोसोराव औरैबादि गुसु जानो हागौ, जाय सिगांनि गोजाम रेकर्डफोरखौ सिफायगोन

अलास्कानि ग्लेसियारआ गोबां आवलिदों, बेनि हाया गिसिखायोब्ला सुनामी जानो हागौ

अलास्कानि ग्लेसियारआ गोबां आवलिदों, बेनि हाया गिसिखायोब्ला सुनामी जानो हागौ

बे सहरयाव 60 सान खोमसि जागोन

बे सहरयाव 60 सान खोमसि जागोन

Published by

Bodosa


Bodosa is a Daily Newspaper, printed in Bodo language.

Leave Your Comment Here