वासिंटन, 4 सेप्तेम्बर: मुलुग नाडै करना भाइरासनि गोहोमा गोख्रै बारायगासिनो दङ। बे भाइरासजों आमेरिकाआ बयनिखुइ बांसिनै गोहोम गोग्लैनाय हादत जाबाय। बेनि गेजेरजों आमेरिकाया आथिखालाव करनानि भेक्सिन बानायनायाव नांथाबनानै दङ। आमेरिकानि भेक्सिननि ट्रायेलआ थामथि थाखोआव सोहैबाय। अदेबानि आमेरिकाआव ट्राम्प सरकारआ करना भेक्सिनखौ रान्नानै होनायखौ लानानै बथांखि बानायनायाव नांथाबनानै दङ।
बेजों लोगोसे ट्राम्प सरकारआ आमेरिकानि राइज्योफोरखौ 1 नभेम्बरसिमाव करनानि भेक्सिनखौ रान्नानै होनो थाखाय थियारि थानो थिन्दों। वाल स्ट्रीट जार्नेलनि बाइदिब्ला, ट्राम्प सरकारआ स्टेट गभर्नरफोरखौ मुलि थक फालांगिनि हेफाजाबगिरि कम्पानीफोरनि गेजेरजों बाहायनो थाखाय रान्नानै होग्रा जायगाफोरनि पारमिटनि थाखाय लामाखौ बोस्रांनानै लानो खावलायदों। बेनि गेजेरजों थांनाय समबारखालि हादतगिरि डनाल्ड ट्राम्पआ फोसावदोंमोनदि, एस्ट्राजेनेकानि गेजेरजों दिहुन्नाय करना भाइरासनि टिकानि ट्रायेलआ थामथि आरो जोबथा खोलोबाव सौहैबाय।
