• Home
  • /
  • International
  • /
  • आमेरिकानि बिसायख’थियाव भारतीयफोरनि भटआ गाहाय बिफाव दं

August 29, 2020

आमेरिकानि बिसायख’थियाव भारतीयफोरनि भटआ गाहाय बिफाव दं

गोदान दिल्ली, 28 आगस्ट: आमेरिकानि हादतगिरिनि बिसायख'थिया 2 दानल'सै। बिब्दियाव बयाव राजखान्थियारि दुंहाव थासारिया सोमजिबाय। किंग्स कलेज लन्डननि प्रफेसार हर्ष वी पन्तनि बादिब्ला, बे बिसायख थियाव भारतीयफोरा गाहाय बिफाव थागोन। आथिखालाव बिडेननि फार्से बांसिनै गोहोमखौ नुदोंब्ला बिसायख'थि जागोन समा 2 दान दंबावो। बेखिनि समाव ट्राम्पनि थासारिया गोनोसिन जानो हागौ।

बे बिसायख'थियाव भारतीयफोरनि बिफावनि सोंथि सोनायाव ट्राम्पआ बुंदों बैयाव थानाय भारतीयफ्रा डेमक्रेटनि थाखाय गोदोनिफ्राय भट होबोदों। नाथाय जेब्ला ट्राम्पया बिसायख'थि बादायदोंमोन बै समाव बेयो सोलायदोंमोन आरो भारतीयफोरा रिपाब्लिकाननि फार्से गंग्लायदोंमोन। रिपाब्लिकाननि फार्से भारतीयफोरनि खर' गंग्लायनायनि मोनसे गिदिर जाहोना गाहाय मन्थ्रि मदिनि आमेरिकायाव थांनायमोन।

                बेनि उनाव मदि आरो ट्राम्पनि लोगोआ बेयाव थानाय भारतीयफोरखौ ट्राम्पखौ सरजाबनायाव मदत होदों। प्रफेसार पन्तनि बादिब्ला, थांनाय 4 बोसोराव भारत-आमेरिकानि सोमोन्दोआ मोजांसिन जादों। ट्राम्प खुंथाया भारतजों लोगो नांना माखासे थांखिफोरखौ आवगयहोदों। चीननि आयदायावबो ट्राम्प खुंथाया भारतखौ फुरायै हेफाजाब होदों। पाकिस्ताननि आयदायावबो हादतगिरि ट्राम्पआ उदाङैनो भारतखौ मदत होबोबाय थादों।

रैखाथि परिषदआव भारतनि अरायथा नडैमासिनि थाखाय दाबि देखांनाय आरो बेखौ हेफाजाब होनाया बे बाथ्रानि फोरमान। सोलोआरि खाथि आरो फालांगियारि आयदानि सायावबो दरनैबो हादतआ गावजों गाव हेफाजाब होदों। माखासे आयदाफोराव ट्राम्पआ भारतखौ बाख्नायदोंबो। फार्सेथिं गोबां खेब जरखा खाबुफोराव ट्राम्पआ आमेरिकायाव थानाय भारतीयफोरखौ साबायख'र बावनानै आमेरिकानि रांखान्थि बेबस्थायाव बिसोरनि गाहाय बिफाव लादों होन्ना फोरमायदों। बिब्दिनो गुबुन जाहोनबो दं जायनि जाहोनाव डेमक्रेटा भारतीयफोरनिफ्रायनो बांसिन भटखौ मोनो।

Share with your friends!

Related Posts

चीननि ब्रह्मपुत्र दैमा सायाव बान्दो बानायनायजों भारतनि जिंगा सिनाया बांदों

चीननि ब्रह्मपुत्र दैमा सायाव बान्दो बानायनायजों भारतनि जिंगा सिनाया बांदों

बे बोसोराव औरैबादि गुसु जानो हागौ, जाय सिगांनि गोजाम रेकर्डफोरखौ सिफायगोन

बे बोसोराव औरैबादि गुसु जानो हागौ, जाय सिगांनि गोजाम रेकर्डफोरखौ सिफायगोन

अलास्कानि ग्लेसियारआ गोबां आवलिदों, बेनि हाया गिसिखायोब्ला सुनामी जानो हागौ

अलास्कानि ग्लेसियारआ गोबां आवलिदों, बेनि हाया गिसिखायोब्ला सुनामी जानो हागौ

बे सहरयाव 60 सान खोमसि जागोन

बे सहरयाव 60 सान खोमसि जागोन

Published by

Bodosa


Bodosa is a Daily Newspaper, printed in Bodo language.

Leave Your Comment Here