• Home
  • /
  • Business
  • /
  • आगु वर्ल्ड सेम्पियनखौ फेजेन्नानै रेसलिंआव सना मेडेल देरहाबाय भिनेश फगातआ

March 1, 2021

आगु वर्ल्ड सेम्पियनखौ फेजेन्नानै रेसलिंआव सना मेडेल देरहाबाय भिनेश फगातआ

कियेभ, 1 मार्चः भारतनि आइजो रेसलार भिनेश फगातआ करना भाइरास महामारिनि जाउनाव गोलाव सम गेलेनायनिफ्राय गोजानाव थानो गोनां जादोंमोन। नाथाय बावैसोनि उनाव इउक्रेनियान रेसलार्स एबा कोसेज मेम'रिएल टुर्नामेन्टआव बाहागो लानानै गावनि गेलेनायखौ जागायफिनो। रेसलार भिनेश फगातआ मैया 53 कि:ग्राः लिरथाइनि बाहागोआव गेलेनानै 2017 माइथायनि वर्ल्ड सेम्पियन भानेसा कालादजिंस्कीखौ फेजेन्नानै सना मेडेल देरहानानै बिमुं देरहायो।

Vinesh Phogat


वर्ल्ड रेंकिंआव थामथि नम्बरनि सिरिआव थानाय भारतयारि आइजो पालवानखौ 7 थि नम्बरआव थानाय बेलारुसनि गेलेगिरिआ गोखों बादायनाय होयोब्लाबो 10-8 जों सिगांनानै मेचखौ देरहानो हायो। फगातआ जागायनायावनो आग्दा आथिंजों गाग्लोबनानै 4-0 पइन्टजों सिगांनानै थानो हादोंमोन। बेनि उनाव किलादजिंस्कीआ गोख्रों गेलेफिन्नानै स्करखौ 4-4 खालामनानै ड्र लाखिनो हायो। ब्रेकनि 10 सेकेन्ड सिगां भिनेशआ मोननै पइन्ट बुथुमबावनो हानानै स्करखौ 6-4 खालामनानै देरहानो हायो।


बेनि उनावबो कालादजिंस्कीआ 4 पइन्ट लानानै आरोबाव स्करखौ 10-8 खालामनो हायो। नाथाय मेचखौ भारतयारि रेसलार फगातआनो देरहानो हायो। मख'नो गोनांदि, 2020 माइथायाव करना भाइरास साग्लोबनायनि जाउनाव बे गेलेमुखौ दोन्थ'नायनि उनाव भिनेशनि बे मेचआनो गिबि बादायनायमोन। बेनि गेजेरजोंनो भिनेश फगातआ टकिय अलिम्पिकनि थाखाय क्वालिफाइ जायो आरो बिथाङानो सासेल' भारतयारि आइजो रेसलार।

Share with your friends!

Related Posts

रनाल्डनि गलआ बेकार: सिरि-एआव भेरोनाया जुभेन्टासजों ड्र लाखियो, प्रिमियार लीगआव मेनसिटिआ लान्थ्रियैनो 20 थि मेच देरहादों

भारतनि हान्जाया जोबथा मेचयाव मुलुगनि नैथि हान्जा आर्जेन्टिनानि हेथायै ड्र गेलेदों

भारत आरो इंलेन्ड क्रिकेट सिरिजनि उनावनो आइपिएल, टेस्ट सेम्पियनसिप गेलेगोन

भारतआ गिबि टि 20 मेसखौ देरहानायजों टिम इण्डियाआ फारियै 8 खेब मेस देरहादों

Published by

Bodosa


Bodosa is a Daily Newspaper, printed in Bodo language.

Leave Your Comment Here