• Home
  • /
  • National
  • /
  • अर्नब ग’स्वामीआ जेलनिफ्राय गखांनायनि उनाव हादरनि राइजो-राजाफोरखौ साबायखर होदों

November 12, 2020

अर्नब ग’स्वामीआ जेलनिफ्राय गखांनायनि उनाव हादरनि राइजो-राजाफोरखौ साबायखर होदों

बड’सा, 12 नभेम्बरः रिपाब्लिक मिडिया नेटवार्कनि इडितर इन चिफ अर्नब ग’स्वामीआ तलोजा जेननिफ्राय मैया हरनि 8 रिंगायाव गखांनायनि उनाव गावनि स्तुडियआव सौहैयो। बे समावनो बिथाङा बुंदोंदि आंनि गोहो आरो साननाया आवगायनिफ्राय गोख्रों जासिनदों। आंखौ जोबथेसालियाव सोनानै मा मोनखो। मानसिफोरा राजखान्थि आरो खुंथायनि गोहोखौ बेरेखायै बाहायनानै बे नेटवार्कखौ सिफायनो नाजादों। नाथाय हादरनि सुबुंफोरा जोंजों दंफायो। जों माब्लाबो रादाय खालामा।

       अर्नबआ बुंदोंदि, भारतनि राइजो-राजाफोरा रिपाब्लिकजों दं। जों जा जा रिपर्टिं खालामदों बेनि सायाव आंहा गोग्गानाय दं। बेफोरनि गेजेराव दं जेरै हाथरसनि जाथायनो जा सुसान्ता नि केसआनो जा आरो पालघरनि जाथायानो जा राइजो-राजाफोरा गासैखौबो नुदों आरो मिथिखासिगौ।

       बिथाङा आरोबाव बुंबावोदि, बिसोरो सानदोंमोनदि सासे सुबुंनि गोसोथिजों लोगोसे मोनसे नेटवार्कखौ सिफायगोन। नाथाय बिसोर जोंनि गोसोथिखौ सिफायनो हायाखिसै। हादोरनि राइजो-राजाफोरा आंखौ एसेबां अननाय, मदद आरो मोजां मोननाय होनायनि थाखाय साबायखर हायो, आं जेब्ला जेलनिफ्राय उदां अख्राङाव ओंखारबोदोंमोन अब्ला बे समाव जेइलनि बायजोआव राइजो-राजाफोर, हादोरनि सुबुंफोरनि मदद मोनोदों। बे मददखौ आं 24 निफ्राय 25 बोसोरनाङै गोब्राब खौरांबुथुमबोनायाव मोननो हादों। ओंखाइनो राइजो-राजाफोरा जोंजों लोगोसे रिपाब्लिक मिडिया नेटवर्कजोंबो दंफायो।

         रायखांनो गोनांदि अर्नब ग’स्वामीखौ महाराष्ट्र पुलिसआ थांनाय 4 नभेम्बरखालि बोसोर 2 सिगाङावनो बन्द जाखानाय केसनि गेजेरजों गावनि थाग्रा खुलिनिफ्राय जर जुलुमै हमना लांनाय जादोंमोन। बिनि उनाव जायगानि बिजिरसालिया 14 सान बिजिरनायनि आवथायाव दैथायहरदोंमोन। बे समावनो 8 नभेम्बरखालि पुलिसआ बिथांखौ तलोजा जेलआव बोस्लायहरफिनाय जायो। बे समाव अर्नबआ  बम्बे हाइकर्टआव बेइलनि थाखाय आरज खालामदोंमोनब्लाबो कर्टआ नेवसिगारो। हायकर्टनिफ्राय नेवसिजाखांनानै बिथाङा सुप्रिमकर्टआव फिन बेलइनि थाखाय आरज खालामदोंमोन। जेराव कर्टआ बिजिरनायजों ग’स्वामीनो बेइल होनाय जायो।
Share with your friends!

Related Posts

न’खर न’खर हादरारि फिरफिला बिरहोनाय थांखिजों 24BN SSB नि गोलाव हान्जा सुरनाय ।

न’खर न’खर हादरारि फिरफिला बिरहोनाय थांखिजों 24BN SSB नि गोलाव हान्जा सुरनाय ।

रांखान्थि मन्थ्रिआ मैया मिरुनि बाजेटखौ थिसन्दों

रांखान्थि मन्थ्रिआ मैया मिरुनि बाजेटखौ थिसन्दों

बि टि आरनि सिङाव ओन्सोल सोसनायनि थाखाय आर’जलाइ गथायनायनि समखौ फोलावबाय

बि टि आरनि सिङाव ओन्सोल सोसनायनि थाखाय आर’जलाइ गथायनायनि समखौ फोलावबाय

हादतनि गोबां राइज्योफोराव बार्ड फ्लुआ गिथावनायै गोसारदों

हादतनि गोबां राइज्योफोराव बार्ड फ्लुआ गिथावनायै गोसारदों

Published by

Bodosa


Bodosa is a Daily Newspaper, printed in Bodo language.

Leave Your Comment Here